Krishna janmashtami 2022: यंदा कधी आहे श्रीकृष्ण जन्माष्टमी?

श्रावण महिन्यात वद्य अष्टमी या तिथीला मध्यरात्री रोहिणी नक्षत्रावर मथुरेत कंसाच्या बंदिशाळेत श्रीकृष्णाचा जन्म झाला, म्हणून हा दिवस श्रीकृष्ण जन्माष्टमी म्हणून साजरा केला जातो. यंदा गुरुवार, 18 ऑगस्ट रोजी जन्माष्टमीचा सण साजरा होणार आहे.आणि शुक्रवार 19 ऑगस्ट 2022 रोजी गोपाळकाला साजरा केला जाईल.

यंदाचा जन्माष्टमीचा शुभ मुहूर्त कोणता आहे ?

जन्माष्टमीला श्रीकृष्णाच्या पूजेसाठी अनेक शुभ मुहूर्त आहेत. या दिवशी दुपारी 12:05 ते 12:56 पर्यंत अभिजीत मुहूर्त राहील. दुसरीकडे, ध्रुव योग 18 ऑगस्ट रोजी रात्री 08:41 ते 19 ऑगस्ट रोजी रात्री 08:59 पर्यंत असेल. तर 17 ऑगस्ट रोजी रात्री 08:56 ते 18 ऑगस्ट रात्री 08:41 पर्यंत वृद्धी योग आहे. गोकुळ, मथुरा, वृंदावन, द्वारका,जगन्नाथ पुरी या ठिकाणी कृष्ण जन्माष्टमी मोठ्या प्रमाणावर साजरी केली जाते. तर महाराष्ट्र दहीहंडी मोठ्या आनंदाने साजरी केली जाते.

जन्माष्टमीला भगवान श्रीकृष्णाची पुजा कशी करावी ?

सर्वप्रथम जन्माष्टमीला श्रीकृष्णाला शृंगार केल्यानंतर अष्टगंध चंदन, अक्षत आणि रोळीचा तिलक लावावा. माखन असलेले नैवेद्याचे पदार्थ श्रीकृष्णाला अर्पण करावे. कृष्णाला वैजयंतीची फुले अर्पण करावे..श्रीकृष्णाच्या विशेष मंत्रांचा जप करा. विसर्जनासाठी अक्षदा हातात घेऊन मूर्तीवर अर्पण करावे आणि म्हणावे हे भगवान श्रीकृष्ण , आम्हा सर्वांवर तुझा कृपा आशिर्वाद राहू दे !

जन्माष्टमी दिवशी श्रीकृष्णाला प्रसाद कोणता असतो ?

श्रीकृष्ण जन्माष्टमीच्या नैवेद्यात पंचामृत अर्पण करा. त्यात तुळशीची पाने घाला. पुरणाचा नैवैद्य या पूजेला करू शकता. काही ठिकाणी श्रीखंड पुरीचा नैवैद्यही दाखविला जातो. या दिवशी श्रीकृष्णाला सर्व प्रकारचे पदार्थ असलेले संपूर्ण सात्विक अन्न अर्पण केले जाते.
विशेष सुचना - ही पूजा करतांना काळा किंवा पांढऱ्या रंगाचे कपडे वापरू नये.