Diwali 2022: या मंदिरात भक्त चिट्ठ्या लिहून मागणं घालतात, लक्ष्मी माता करते सर्व इच्छा पूर्ण

Temple: दिवाळी हा सण संपूर्ण भारतात मोठ्या उत्साहाने साजरा केला जातो. माता लक्ष्मीची मनोभावे पूजा केली जाते. या सणाला माता लक्ष्मी आणि गणेशजीची पूजा केली जाते. मात्र भारतात एक असं मंदिर आहे जेथे माता लक्ष्मीला मंदिरात चिट्ठी लिहून लोक त्यांच्या इच्छा प्रकट करतात. भक्तांच्या कागदावर मातेला लिहून पाठवलेल्या इच्छा पूर्ण होतात असे मानल्या जाते. (Diwali)

मंदिराला ४८० वर्ष जुना इतिहास

राजस्थानच्या बांसवाडा शहरात 480 वर्षे जुने मंदिर आहे. इथे पत्र लिहून मातेकडून जे काही मागितले जाते ते माता नक्कीच पूर्ण करते, अशी लोकांची श्रद्धा आहे. या मंदिरात जे भाविक मातेच्या दर्शनासाठी येतात, तेही दानपेटीत पत्र टाकून जातात. पत्रात ते त्यांची इच्छा लिहून ठेवतात. महालक्ष्मी मंदिरात येणाऱ्या भाविकांची पत्रे ठेवली जातात. श्राद्ध पक्षातील अष्टमीच्या दिवशी आईचा वाढदिवस साजरा केला जातो. याच दिवशी वसंत पंचमीही साजरी केली जाते. या दिवशी भक्ताची पत्रे उघडली जातात. येथे पत्रे फक्त दोन ते तीन वर्षे ठेवली जातात, त्यानंतर त्यांचे विसर्जन केले जाते.

पांढऱ्या रंगाच्या मार्बलने बनवले गेलेय मंदिर

मंदिरात स्थापित केलेली मातेची मूर्ती पांढऱ्या संगमरवरी दगडाची आहे. मूर्तीची उंची साडेतीन फूट आहे. येथे माता लक्ष्मी 16 दलांच्या कमळाच्या आसनावर विराजमान आहे. मंदिरातील पंडित सांगतात की, जर तुम्ही मंदिरात येऊन आईची पूजा केली तर आईचा आशीर्वाद तुमच्यावर सदैव राहतो.

मातेचा श्रृंगार केल्या जातो

दर दिवाळीला महालक्ष्मीची मूर्ती साडेपाच किलो चांदीच्या कपड्यांनी सजवली जाते. याशिवाय मातेला सोन्याचा हार, अंगठी, नथ यांनी सजवले जाते. तुम्हाला हे जाणून आश्चर्य वाटेल की मंदिराच्या रक्षणासाठी एकही गार्ड ठेवण्यात आलेला नाही. दिवाळीनिमित्त येथे भाविकांची गर्दी होते.