Makar Sankranti 2023 : यंदाची मकर संक्रांत 'या' राशींचं नशीब पालटणार

- विजय जोशी, ज्योतिष अभ्यासक

Makar Sankranti 2023 : आज मकर संक्रांत सण उत्साहात साजरा केला जात आहे. या दिवशी सुर्य मकर राशीत जातो त्यामुळे याला मकर संक्रांत असे म्हणतात. पण तुम्हाला माहिती आहे का मकर संक्रांतीचा काही राशींवर सकारात्मक तर काही राशींवर नकारात्मक प्रभाव पडतो. आज आपण यंदाची संक्रांत कोणत्या राशीसाठी उत्तम आहे, हे जाणून घेणार आहोत.

सिंह रास - या राशीतील जातकांमध्ये मकर संक्रांतीचा काळ आणि त्यानंतर सकारात्मकता वाढेल. आर्थिक स्थिरता लाभेल कुठलीही नवीन कार्य सुरू करायचे असल्यास उत्तम काळ आहे. नक्कीच यश लाभेल तसेच जर यांनी आपल्या अंगातील गुणदर्शन केल्यास सर्वत्र वाहवाह मिळेल.

वृश्चिक रास - या राशींच्या लोकांची नोकरी आणि व्यवसायात अडलेली कामे पूर्ण होतील. धार्मिक सामाजिक क्षेत्रात तुमच्या हातून कार्य घडेल. मनातील राहिलेल्या इच्छा या काळात पूर्ण करण्यासाठी प्रयत्न करा त्यातही यश लाभेल.

धनु रास - मकर संक्रांतीचा पर्वकाळ हा धनु राशीच्या जातकांसाठी फायद्याचा आहे. या काळात गुंतवणूक करणे लाभदायक असेल. कारण या जातकांचा आत्मविश्वास दुप्पट होईल. मात्र वाढलेला आत्मविश्वास अति न होऊ देता कुठलेही निर्णय काळजीपूर्वक घेणे अत्यावश्यक असेल.

मीन रास - तुमच्यासाठी आत्मविश्वास वाढवणारी ही संक्रांत आहे. तुमचा इतरांवर प्रभाव असेल सोबतच तुमच्या हातात असलेली आणि मनात असलेली कामे निश्चित पूर्ण होतील.