आजचे पंचांग आणि दिनविशेष - 15 जानेवारी 2022

पंचांग -

शनिवार : पौष शुद्ध १३, चंद्रनक्षत्र मृग, चंद्रराशी वृषभ/मिथुन, चंद्रोदय दुपारी ४.०५, चंद्रास्त पहाटे ५.४८, सूर्योदय ७.११, सूर्यास्त ६.१६, शनिप्रदोष, संक्रांत करिदिन, भारतीय सौर पौष २५ शके १९४३.

दिनविशेष -

१९९६ - भारतातील रेल्वेयुगाच्या प्रारंभापासून ब्रिटिश परंपरा व संस्कृतीचा डौल मिरविणाऱ्या मुंबईतील बोरीबंदर (व्हिक्‍टोरिया टर्मिनस) या स्थानकाचे नाव ‘छत्रपती शिवाजी महाराज टर्मिनस’ असे करण्यात आले.

१९९९ - ज्येष्ठ गायिका ज्योत्स्ना भोळे यांना राज्य सरकारच्या वतीने ‘गानसम्राज्ञी लता मंगेशकर पुरस्कार’ प्रदान.

२००६ - सौरमालेच्या जन्माचा अभ्यास करण्यासाठी ‘नासा’ने अंतराळात पाठविण्यात आलेली अवकाश कुपी २.९ अब्ज किलोमीटरचा प्रवास करून अमेरिकेच्या हवाई दलाच्या उटाह तळावर सुखरूप उतरली.

२०१८ - सोळाव्या पुणे आंतरराष्ट्रीय चित्रपट महोत्सवाचा ‘ओपनिंग फिल्म’चा मान बोस्नियाच्या ‘मेन डोण्ट क्राय’ या चित्रपटाला मिळाला.