Surya Grahan : कंकणाकृती सूर्यग्रहण नेमके कुठे दिसणार? इथे वाचा सविस्तर

Surya Grahan : भाद्रपद अमावास्या अर्थात शनिवार दि. 14 ॲाक्टोबर 2023 रोजी होणारे कंकणाकृती सूर्यग्रहण जगातील वेगवेगळ्या भागांत दिसणार आहे. हे सूर्यग्रहण कोणत्या वेळेत आणि नेमके कुठे दिसणार आहे ते जाणून घेऊया.

भारत सोडून हे सूर्यग्रहण अमेरिकेतील टेक्सास,वॅाशिंग्टन डिसी, लॉस एंजेलस, मेक्सिको, पनामा, ब्राझील, कॅनडा, क्युबा इ. ठिकाणी दृश्यमान होणार आहे.

वॅाशिंग्टन डिसी येथील ग्रहणाचे गणित केल्यास या ठिकाणी खंडग्रास स्वरूपात हे सूर्यग्रहण दिसणार असून या ग्रहणात सूर्यबिंबाचे ग्रासमान 5 अंगुल 0 व्यंगुल इतके असणार आहे.

वॅाशिंग्टन डिसी येथील स्पर्श मोक्ष वेळा पुढीलप्रमाणे -

14 ॲाक्टोबर 2023 रोजी

ग्रहणस्पर्श- दुपारी 12:00 EDT, ग्रहणमध्य- दुपारी 01:19 EDT ग्रहणमोक्ष- दुपारी 02:39

भारतीय प्रमाणवेळेनुसार या ग्रहणाचा प्रारंभ दि. 14 ॲाक्टोबर 2023 च्या रात्री 08:34 वाजता होत असून ग्रहणमध्य रा.11:29 वाजता व मोक्ष रा.02:25 वाजता होणार आहे.

भारतात हे ग्रहण दिसणार नसल्यामुळे भारतातील जनतेने व गर्भवती महिलांनी ग्रहणाचे कोणतेही वेधादि नियम पाळू नयेत तसेच या ग्रहणाचे नैसर्गिक व राशी इत्यादीनुसार होणारे परिणाम ग्रहण न दिसणाऱ्या प्रदेशात विचारात घेऊ नयेत.