आज खग्रास चंद्रग्रहण; जाणून घ्या कुठे दिसणार

खग्रास चंद्रग्रहण -

वैशाख पौर्णिमेस अर्थात रविवार दि.15/16 मे 2022 रोजी होणारे खग्रास चंद्रग्रहण हे भारतात दृश्यमान होणार नाही.

हे चंद्रग्रहण दक्षिण- पश्चिम युरोप, दक्षिण अमेरिका, उत्तर अमेरिका, अटलांटिक महासागर, पॅसिफिक महासागर, अंटार्क्टिका, फ्रान्स, क्युबा, स्पेन, चिले, न्यूयॉर्क, शिकागो, कॅलिफोर्निया, मेक्सिको, पोर्तुगाल, इटली या प्रदेशात खग्रास स्वरूपात दृश्यमान होणार आहे.

• टर्की, इजिप्त, हंगेरी, ग्रीस या ठिकाणी हे ग्रहण खंडग्रास स्वरूपात दृश्यमान होईल.

• लंडन, पॅरिस येथे हे चंद्रग्रहण ग्रस्तास्त स्वरूपात दिसणार आहे.

• लॅास एंजल्स येथे हे ग्रहण ग्रस्तोदित स्वरूपात दृश्यमान होईल.

• न्यूयॉर्क येथील ग्रहणाचे गणित केल्यास चंद्रबिंब ग्रासमान १६ अंगुल ५५ व्यंगुल इतके येत आहे.

ग्रहण दिसणाऱ्या भारताबाहेरील काही प्रमुख शहरांच्या स्पर्श व मोक्ष वेळा पुढीलप्रमाणे-

• न्यूयॉर्क स्पर्श-22:27 EDT, मोक्ष-01:55 EDT

• लंडन स्पर्श- 03:28 BST, मोक्ष- 05:07 BST

• पॅरिस स्पर्श- 04:28 CEST, मोक्ष- 06:10 CEST

• शिकागो स्पर्श- 21:28 CDT, मोक्ष- 00:55 CDT

• लॅास एंजल्स स्पर्श- 19:40 PDT, मोक्ष- 22:55 PDT

भारतीय प्रमाणवेळेनुसार या ग्रहणाचा स्पर्श 16 मे 2022 च्या सकाळी 07:58 वाजता असून ग्रहणमोक्ष सकाळी 11:25 वाजता आहे.

भारतात हे ग्रहण दिसणार नसल्यामुळे ग्रहणाचे कोणतेही वेधादि नियम भारतातील लोकांनी पाळू नयेत तसेच या ग्रहणाचे नैसर्गिक व राशी इत्यादीनुसार होणारे परिणाम ग्रहण न दिसणाऱ्या प्रदेशात विचारात घेऊ नयेत.

तसेच ग्रहण न दिसणाऱ्या प्रदेशातील व भारतातील गर्भवती स्त्रियांनी देखील या दिवशी होणाऱ्या चंद्रग्रहणाचे कोणतेही वेधादि नियम पाळू नयेत.

| यशस्वी जीवनाचे प्रमुख अंग ||

|| सूर्यसिध्दांतीय देशपांडे पंचांग ||

आपला दिवस सुखाचा जावो,मन प्रसन्न राहो.

© सूर्यसिद्धांतीय देशपांडे पंचांगकर्ते गौरव देशपांडे(पुणे)

www.deshpandepanchang.com