Tulasi Vivah Mangalashtak : तुळशीच्या लग्नाची मंगलाष्टके; जाणून घ्या एका क्लिकवर | Sakal
sakal

बोलून बातमी शोधा

Tulasi Vivah Mangalashtak

Tulasi Vivah Mangalashtak : तुळशीच्या लग्नाची मंगलाष्टके; जाणून घ्या एका क्लिकवर

Tulasi Vivah Mangalashtak 2022 : कार्तिक महिन्यातील द्वादशीपासून ते कार्तिक पौर्णिमेपर्यंत तुळशी विवाह पुजन मोठ्या उत्साहात केले जाते. तुळशीला नवरी प्रमाणे साज- श्रृंगार करुन सजवले जाते. धार्मिक पुजन पूर्ण करुन देवीचे विष्णू स्वरुपी शाळीग्राम यांच्याशी विवाह मोठ्या थाटात केला जातो. या तुळशी विवाहाप्रसंगी मंगलाष्टके म्हणण्याची अनेकांना इच्छा असते. मात्र मंगलाष्टके पाठ नसल्याने म्हणता येत नाही. आम्ही आपल्यासाठी घेऊन आलो आहोत तुळशी विवाहाप्रसंगी म्हटली जाणारी तुळशीच्या लग्नाची मंगलाष्टके!

हेही वाचा: Tulsi Vivah Puja : शास्त्रोक्त पद्धतीने करा तुळशी विवाह; जाणून घ्या मंत्रासह संपुर्ण विधी

।। तुळशीच्या लग्नाची मंगलाष्टके ।।

1)

स्वस्ति श्री गणनायकं गजमुखं, मोरेश्वरं सिद्धिदं ।

बल्लाळो मुरुडं विनायकमहं, चिन्तामणि स्थेवरं ||

लेण्याद्रिं गिरिजात्मकं सुरवरदं, विघ्नेश्वरम् ओज़रम् |

ग्रामे रांजण संस्थितम् गणपतिः, कुर्यात् सदा मङ्गलं || १ ||

2)

गंगा सिंधु सरस्वती च यमुना, गोदावरी नर्मदा ।

कावेरी शरयू महेंद्रतनया शर्मण्वती वेदिका ।।

क्षिप्रा वेत्रवती महासुर नदी, ख्याता गया गंडकी ।

पूर्णा पूर्ण जलैः समुद्र सरिता, कुर्यातसदा मंगलम ।। २ ।।

हेही वाचा: Astro Tips : देवतांचे पूजन करताना 'या' चुका करु नका; अन्यथा...

3)

लक्ष्मी: कौस्तुभ पारिजातक सुरा धन्वंतरिश्चंद्रमा: ।

गाव: कामदुधाः सुरेश्वर गजो, रंभादिदेवांगनाः ।।

अश्वः सप्त मुखोविषम हरिधनुं, शंखोमृतम चांबुधे ।

रत्नानीह चतुर्दश प्रतिदीनम, कुर्वंतु वोमंगलम ।। ३ ।।

4)

राजा भीमक रुख्मिणीस नयनी, देखोनी चिंता करी ।

ही कन्या सगुणा वरा नृपवरा, कवणासि म्यां देईजे ।।

आतां एक विचार कृष्ण नवरा, त्यासी समर्पू म्हणे ।

रुख्मी पुत्र वडील त्यासि पुसणे, कुर्यात सदा मंगलम ।। ४ ।।

हेही वाचा: देवघरात चुकूनही ठेवू नका 'या' देवी-देवतांच्या मूर्ती किंवा फोटो...

5)

लक्ष्मीः कौस्तुभ पांचजन्य धनु हे, अंगीकारी श्रीहरी ।

रंभा कुंजर पारिजातक सुधा, देवेंद्र हे आवरी ।।

दैत्यां प्राप्ति सुरा विधू विष हरा, उच्चैःश्रवा भास्करा ।

धेनुवैद्य वधू वराशि चवदा, कुर्यात सदा मंगलम ।। ५ ।।

6)

लाभो संतति संपदा बहु तुम्हां, लाभोतही सद्गुण ।

साधोनि स्थिर कर्मयोग अपुल्या, व्हा बांधवां भूषण ।।

सारे राष्ट्र्धुरीण हेचि कथिती कीर्ती करा उज्ज्वल ।

गार्हस्थाश्रम हा तुम्हां वधुवऱां देवो सदा मंगल ।। ६ ।।

7)

विष्णूला कमला शिवासि गिरिजा, कृष्णा जशी रुख्मिणी ।

सिंधूला सरिता तरुसि लतिका, चंद्रा जशी रोहिणी ।।

रामासी जनकात्मजा प्रिय जशी, सावित्री सत्यव्रता ।

तैशी ही वधू साजिरी वरितसे, हर्षे वरासी आतां ।। ७।।

हेही वाचा: Tulsi Vivah 2022: तुळशी विवाहला करा 'हे' सोपे उपाय; वैवाहिक जिवनात नांदेल आपोआप सुख शांती

8)

आली लग्नघडी समीप नवरा घेऊनि यावा घरा ।

गृह्योत्के मधुपर्कपूजन करा अन्तःपटाते धारा ।।

दृष्टादृष्ट वधुवरा न करितां, दोघे करावी उभी ।

वाजंत्रे बहु गलबला न करणे, लक्ष्मीपते मंगलम ।। ८ ।।

सर्व मंगलाष्टके म्हणून झाल्यावर खालील मंत्राने विवाहसोहळा पुर्ण करावा.

तदेव लग्नं सुदिनं तदेव

ताराबलं चन्द्रबलं तदेव

विद्याबलं दाोवबलं तदेव

लक्ष्मीपते ते त्रियुगं स्मरामि

सुमुहूर्त शुभमंगल सावधानsss

माहिती संकलन - अशोककाका कुलकर्णी (नाशिक)

हेही वाचा: Vastu Tips : तुमच्या घरातल्या पाण्याच्या टाकीची दिशा समाजातली तुमची प्राणप्रतिष्ठा ठरवते