Vastu Tips:आर्थिक संकटात आहात? देव्हाऱ्यात 'या' वस्तू ठेवाच!

देव्हारा हे घरातलं सर्वात पवित्र स्थान मानलं जातं. हिंदू धर्मामध्ये पूजाअर्चेला विशेष महत्त्व आहे. या पूजेसाठी काही वस्तूंना शुभ मानलं गेलं आहे. या वस्तू घरात ठेवल्याने घरातलं वातावरण सकारात्मक राहतं, शिवाय समृद्धी आणि भरभराटीचे मार्गही मोकळे होतात, अशी मान्यता आहे. जाणून घ्या वास्तूशास्त्र काय सांगतं.... (Vastu Tips)

वास्तूशास्त्रानुसार काही गोष्टी देव्हाऱ्यात ठेवल्याने सुख-समृद्धी आणि धनवृद्धी होते. तसंच लक्ष्मीचा आशीर्वादही कायम राहतो.

घंटी

ज्या घरात नियमितपणे घंटीचा आवाज येतो तिथे सकारात्मकता राहते, असं मानलं जातं. म्हणून पूजा करताना घंटी वाजवली जाते.

मोरपंख

भगवान श्रीकृष्णांच्या मुकुटावर मोरपंख लावलेला असतो. त्यामुळे काही जण मोरपंख घरात ठेवतात. मोरपंखामुळे संपत्तीत वाढ होऊन, घरात सुखशांती नांदते.

शंख

देव्हाऱ्यात शंख ठेवणंही शुभ मानलं जातं. पूजेनंतर शंखनाद केल्याने घरात सुख-समृद्धी आणि धनधान्य राहतं, अशी मान्यता आहे.

कलश

देव्हाऱ्यात रोजच्या रोज पाण्याने भरलेला कलश ठेवणं हे अनेक घरात दिनचर्येचा भाग आहे. गणपतीला कलश प्रिय आहे. त्यामुळे हा कलश ठेवला जातो.

गंगाजल

गंगाजल पितळ किंवा चांदीच्या पात्रात भरुन ठेवलं जातं. त्यामुळे लक्ष्मी प्रसन्न होते. घरातल्या संपत्तीतही वाढ होते.

शाळीग्राम

शाळीग्राम भगवान विष्णूचं रुप मानलं जातं. त्यामुळे तुळशीच्या पानांसोबत शाळीग्रामची पूजा केली जाते. यामुळे घरात सुख समृद्धी राहते.