Vastu Tips : स्वयंपाकघरात 'या' वस्तू अजिबात ठेवू नका; अन्यथा होईल मोठे नुकसान

वास्तुशास्त्रानुसार, स्वयंपाकघरात घडत असलेल्या गोष्टींचा व्यक्तीच्या आरोग्यावरही चांगला किंवा वाईट परिणाम होतो असतो. प्रत्येक महिलेच्या किंवा संपूर्ण कुटूंबाच्या जीवनात स्वयंपाकघर ही एक महत्त्वाची भूमिका बजावत असते. स्वयंपाकघरात कोणती गोष्ट कोणत्या ठिकाणी ठेवणे यासह ते योग्य दिशेने ठेवले आहे का याचा प्रभाव पडतो. त्यामुळे अशा काही गोष्टीत वास्तुदोष असेल तर तेथील आशीर्वादही निघून जातात आणि पैशाची कमतरता भासते. तर जाणून घ्या वास्तुशास्त्रानुसार या गोष्टी घरात ठेवू नयेत.

तुटलेली भांडी

अनेकवेळा काहींच्या किचनमध्ये तुटलेली किंवा तडे गेलेली भांडी असतात. अशी भांडी किचनमधून ताबडतोब बाहेर काढली पाहिजेत. कारण अशी भांडी नकारात्मक ऊर्जा वाढवतात. त्यामुळे त्या घरात राहणाऱ्या लोकांच्या प्रगतीवर वाईट परिणाम होतो.

स्वयंपाकघरात झाडू ठेवू नका

वास्तुशास्त्रानुसार, झाडू स्वयंपाकघरात ठेवू नये. कारण झाडूमध्ये घाण असते. त्यामुळे स्वयंपाकघरातील गोंधळ आणि कचरा वाढू शकतो. स्वयंपाकघरात सदस्यांसाठी जेवण तयार केले जाते. त्यामुळे घरातील सदस्यांच्या आरोग्यावर वाईट परिणाम होतो.

अॅल्युमिनियमची भांडी

वास्तुशास्त्राने दिलेल्या माहितीनुसार, अॅल्युमिनियमची भांडी स्वयंपाकघरात ठेवू नयेत. ही धातूची भांडी ठेवल्याने त्वचेसह अनेक आजार होण्याची शक्यता वाढते.

कीटक निरोधक

किचनमध्ये कीटकनाशकेही ठेवू नयेत. यामुळे नकारात्मक ऊर्जा वाढते. यासोबतच खाण्याच्या ठिकाणी विषारी पदार्थ ठेवणे धोकादायक ठरू शकते.

काच

काच किंवा त्याच्याशी संबंधित कोणतीही वस्तू स्वयंपाकघरात ठेवू नये. कारण त्यामुळे नकारात्मक ऊर्जा वाढते. यासोबतच घरगुती त्रासाला सामोरे जावे लागते, असे वास्तुशास्त्रात सांगितले आहे.