११ वर्षाच्या मुलीवर सामुहिक अत्याचार; परिस्थिती गंभीर

ग्रेटर नोएडा : ११ वर्षाच्या मुलीवर सामुहिक बलात्कार करण्यात आल्याची घटना उत्तर प्रदेशातील ग्रेटर नोएडा भागात घडली आहे. (Rape in Noida) मुलीला रुग्णालयात दाखल केले असून डॉक्टरांनी दिलेल्या माहितीनुसार, त्या मुलीसोबत सामूहिक अत्याचार (Gangrape) झाला असून तिची परिस्थिती अत्यंत गंभीर आहे. तिच्या खासगी अवयवांवर अनेक जखमा आणि खुणा आहेत.

ताज्या बातम्यासाठी डाऊनलोड करा ई-सकाळचे अॅप

पुण्याच्या बातम्या वाचण्यासाठी येथे क्लिक करा

पोलिसांनी गुन्हा नोंद केला असून २१ वर्षिय आरोपीला ताब्यात घेतले आहे. तर मुलीला सेक्टर 30मध्ये जिल्हा रुग्णालयात भरती करण्यात आले आहे. सहायक पोलीस आयुक्त प्रीतम पाल सिंह यांनी दिलेल्या माहितीनुसार, ईकोटेक-3 पोलीस स्थानकाच्या क्षेत्रात येणाऱ्या गावांत राहणाऱ्या ११ वर्षाची मुलगी शौचालयासाठी शेतात गेली असाताना तिच्यावर अत्याचार करण्यात आला आहे. जेव्हा मुलगी झालेल्या घटनेनंतर घरी पोहोचली, तेव्हा आजूबाजूच्या लोकांनी पोलिसांना फोन करुन ही माहिती दिली.

शरीरावर अनेक ठिकाणी इजा
पिडित मुलीला जिल्हा रुग्णालयात भरती करण्यात आले असून मुलीची परिस्थिती आणखीनच गंभीर होत चालल्याची माहिती पोलिसांनी दिली आहे. मुलीच्या अंगावर असलेल्या जखमा पाहून तिला उपचारासाठी पुढील रुग्णालयात रेफर करण्यात आले आहे. तिच्या खासगी अवयवांवर मोठ्या प्रमाणात जखमा करण्यात आल्या आहेत.

गंभीर परिस्थितीत पोहचली घरी
सहायक पोलिस निरिक्षकांनी दिलेल्या माहितीनुसार, पोलिस पुढील तपास करत असून बुधवारी रात्री उशिरा एकाला ताब्यात घेतले आहे. आरोपीचे नाव राकेश असल्याचे पोलिसांनी प्राथमिक माहितीत सांगितले आहे. मुलीच्या वडिलांनी दिलेल्या माहितीनुसार, मुलगी जेव्हा शेतातून घरी परतली तेव्हा मोठ्या प्रमाणावर तिच्या शरीरातून रक्तस्त्राव होत होता. तिची परिस्थिती पाहून आम्ही खूप घाबरलो होतो, त्यानंतर तिला रुग्णालयात भरती करण्यात आले.