अंडी विकणारा मुलगा म्हणाला लाच नाही देणार मग....

इंदूर (मध्य प्रदेश): लॉकडाऊनमुळे आर्थिक परिस्थिती खालावल्यामुळे एक 14 वर्षांचा मुलगा हातगाडीवर अंडी विकत होता. पालिकेच्या कर्मचाऱयांनी त्याची गाडी पलटी करून अंड्यांची नासधूस केली. संबंधित व्हिडिओ व्हायरल होत आहे.

Video: हेलिकॉप्टर आणि ट्रक यांच्यात झाली टक्कर? पण...

एक मुलगा कुटुंबाला हातभार लागावा म्हणून एका हातगाडीवर अंडी विकत होता. महापालिकेच्या अधिकाऱयांनी 100 रुपयांच्या लाचेची मागणी केली होती. पण, लाच देण्यास नकार दिला म्हणून त्यांनी हातगाडी पलटी केली. यामुळे अंड्यांचे मोठे नुकसान झाले आहे, असा आरोप मुलाने केला आहे. संबंधित व्हिडिओ व्हायरल झाल्यानंतर नेटिझन्स प्रतिक्रियांच्या माध्यमातून व्यक्त होत आहेत. व्हायरल झालेल्या व्हिडिओमध्ये इंदूर येथे महापालिका अधिकाऱ्यांनी १४ वर्षाच्या मुलाची अंड्यांनी भरलेली हातगाडी रस्त्यावर पलटी केल्याचे दिसत आहे. यामुळे हातगाडीवरील सर्व अंड्यांचे नुकसान झाले आहे. शिवाय, अंड्यांचे नुकसान झाल्याने हतबल झालेला मुलगा दोन व्यक्तींवर आपला संताप व्यक्त करताना दिसत आहे.