बंगळुरू : देशात गेल्या काही दिवसांपासून कोरोना रुग्णांच्या (Coronavirus) संख्येत घट झाल्याचे दिसून येत आहे. यामुळे काहीसा दिलासा मिळालेला असताना कर्नाटकमधून एक काहिशी चिंता वाढविणारी बाब समोर आली आहे. कर्नाटकमधील (Karnatak) धारवाड येथील SDM वैद्याकिय महाविद्यालयातील 66 विद्यार्थांचा कोरोना चाचणी आहवाल पॉझिटिव्ह आला आहे. आश्चर्याची बाब म्हणजे ज्या विद्यार्थांचा अहवाल पॉझिटिव्ह आला आहे, त्या सर्वांचे कोरोना लसीचे (Corona Vaccination) दोन्ही डोस पूर्ण झालेले होते.
दरम्यान, या घटनेनंतर खबरदारीचा उपाय म्हणून प्रशासनाने तातडीने महाविद्यालय इमारतीतील दोन्ही वसतिगृह सील करण्यात केले आहेत. तसेच नियमित होणारे वर्गदेखील काही काळासाठी रद्द करण्यात आल्याचे अधिकाऱ्यांनी सांगितले. कोरोना लसीचे दोन्ही डोस घेतलेल्या आणि त्यानंतरही संक्रमित झालेल्या सर्व विद्यार्थ्यांचे विलगीकरण (Quarantine) करण्यात आले आहे, तसेच त्यांच्यावर वसतिगृह परिसरातच उपचार केले जात असल्याची माहिती धारवाडचे उपायुक्त नितेश पाटील यांनी सांगितले.
या महाविद्यालयात एकूण 400 विद्यार्थी शिक्षण घेत असून त्यातील जवळपास 300 विद्यार्थांची कोरोना चाचणी करण्यात आली आहे. तर, उर्वरित 100 विद्यार्थ्यांचीदेखील कोरोना चाचणी केली जाणार आहे. या सर्व काळात विद्यार्थांना बाहेर जाण्यावर निर्बंध लावण्यात आले आहेत. ज्या विद्यार्थ्य़ांचा कोरोना चाचणी आहवाल प्रतिक्षेत आहे त्यांचेदेखील विलगीकरण करण्यात आल्याचे पाटील यांनी यावेळी सांगितले. महाविद्यालयात नुकत्याच झालेल्या कार्यक्रमात सहभागी झाल्यानंतर विद्यार्थ्यांना कोरोना संसर्ग झाल्याचा संशय व्यक्त केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
