बिहारमध्ये भीषण स्फोट... पडलेल्या घराखालून काढले ७ मृतदेह
बिहारच्या भागलपूर जिल्ह्यात पहाटेच्या वेळी मोठी दुर्घटना घडल्याची माहिती समोर आली आहे. तातारपूर पोलीस ठाण्याच्या हद्दीत स्फोट झाल्याने सात जणांचा जागीच मृत्यू झालाय. तर अनेकजण जखमी आहेत. संबंधित कुटुंब फटाके बनवत असल्याचा प्राथमिक अंदाज आहे. या स्फोटात 2-3 घरांचं नुकसान झाल्याचं कळतंय. या प्रकरणाचा अधिक तपास करत असल्याची माहिती भागलपूरचे जिल्हाधिकारी सुब्रत कुमार सेन यांनी दिली.
स्फोट होताच स्थानिकांनी यंत्रणांना माहिती दिली. पोलीस आणि अग्निशमन दल घटनास्थळी पोहोचले. बैठी घरं आणि कच्चे बांधकाम असल्याने स्फोटात संपूर्ण घर उध्वस्त झालं आहे. आजूबाजूच्या काही घरांचीही पडझड झाली आहे. पडलेल्या ढिगाऱ्याखालून आतापर्यंत सात जणांचे मृतदेह ताब्यात घेण्यात आले आहेत. सध्या जेसीबीच्या सहाय्याने ढिगारा हटवण्याचे काम सुरू आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.