चिंतामणीमध्ये जीपची ट्रकला धडक, आठ जणांचा जागीच मृत्यू | Sakal
sakal

बोलून बातमी शोधा

चिंतामणीमध्ये जीपची ट्रकला धडक, आठ जणांचा जागीच मृत्यू

चिंतामणीमध्ये जीपची ट्रकला धडक, आठ जणांचा जागीच मृत्यू

कर्नाटकमधील चिक्कबळापूर जिल्ह्यातील चिंतामणी तालुक्यातील मरिनायकनहळी गेटजवळ भीषण अपघात झाला आहे. ट्रक आणि जीप यांच्यात झालेल्या भीषण अपघातात आठ जणांचा मृत्यू झाला आहे. तर दहापेक्षा जास्त जणा गंभीर जखमी झाले आहेत. जखमींना उपचारासाठी रुग्णालयात दाखल करण्यात आलं आहे. अपघात इतका भीषण होता की जीपचा चुराडा झाला आहे. या भीषण अपघातांमध्ये मृतांची संख्या आणखी वाढण्याची शक्यता आहे.

मिळालेल्या माहितीनुसार, जीपची ट्रकला धडक झाल्यामुले भीषण अपघात झाला. हा अपघात इतका भीषण होता की, सहा प्रवाशांचा जागीच मृत्यू झाला तर दोन जणांचा उपचारावेळी मृत्यू झाला आहे. काही जखमींची प्रकृती चिंताजनक आहे. त्यामुळे मृताची संख्या आणखी वाढण्याची भिती व्यक्त केली जात आहे. काही जखमींवर कोलार एसएनआर रुग्नालयात उपचार सुरु आहेत. तर गंभीर जखमींना बेंगळुरुमधील रुग्नालयात हलवण्यात आलं आहे. अपघाताची माहिती मिळताच पोलिसांनी घटनास्थळावर धाव घेतली. चिंतामणी ग्रामीण पोलीस या घटनेचा अधिक तपास करत आहेत. पोलिसांनी चालकाला अटक केली आहे.

हेही वाचा: भाजपमध्ये येण्यासाठी पैशांची ऑफर, माजी मंत्री पाटील यांचा खुलासा

श्रीनिवासपुराचे आमदार रमेशकुमार, मलुरचे आमदार के.वाय नांजे गोवडा आणि चिंतामणीचे आमदार कृष्णा रेड्डी यांनी घटनास्थळाला भेट दिली. रस्त्याचं काम सुरु होतं त्याठिकाणी हा भीषण अपघात झाला. या भीषण अपघताची दृश्ये अंगाचा थरकाप उडवणारी आहेत.अपघातग्रस्त जीपमध्ये चालकासह 17 जण प्रवास करत होतं. त्यामुळे चालकाचं नियंत्रण सुटल्याचा दावा करण्यात आला आहे. प्रवासी वाहतूकीसाठी जीपचा वापर सर्रास केला जातो. पोलिसांनी त्यावर आतापर्यंत कधीही कारवाई केली नाही अथवा साधी तपासणीही केली नाही, अशी माहिती स्थानिकांनी दिली आहे. पोलिसांनी जीप चालकाला अटक केली असून चौकशी सुरु करण्यात आली आहे.

Web Title: 8 Killed After Jeep Truck Collide In Chintamani

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :accidentchintamani