Central Govt Employees
esakal
3.83 Fitment Factor Demanded: केंद्रीय सरकारी कर्मचाऱ्यांना ८ व्या वेतन आयोगाच्या शिफारशींची अत्यंत उत्सुकतेने प्रतीक्षा आहे. विविध राज्यांमध्ये यासंदर्भातील बैठकांचे सत्र सुरू आहे. नुकतीच वेतन आयोगाची एक महत्त्वाची बैठक चेन्नई येथे पार पडली. या पार्श्वभूमीवर अनेक कर्मचारी आणि पेन्शनर संघटनांनी सरकारसमोर किमान मूळ वेतन ६९ हजार रुपये करण्याची मोठी मागणी लावून धरली आहे. यासाठी फिटमेंट फॅक्टर वाढवून ३.८३ इतका करण्यात यावा, असा प्रस्ताव संघटनांनी ठेवला आहे.
