Arvind Kejriwal: मुख्यमंत्री अरविंद केजरीवाल यांना अटक होणार? 'आप' नेत्यांच्या ट्वीटमुळे खळबळ

दिल्लीचे मुख्यमंत्री अरविंद केजरीवाल यांच्या अडचणी आणखी वाढण्याची शक्यता आहे. कथित मद्य घोटाळ्याप्रकरणी केजरीवाल यांना ईडीने तिसऱ्यांदा समन्स बजावल्यानंतर त्यांनी चौकशीसाठी जाण्यास नकार दिला आहे. त्यामुळे लवकरच मुख्यमंत्री अरविंद केजरीवाल यांना अटक होऊ शकते, असा अंदाज आदमी पक्षाच्या नेत्यांनी लावला आहे.

दरम्यान, ईडीची टीम गुरुवारी सकाळी मुख्यमंत्री केजरीवाल यांच्या निवासस्थानी पोहोचून त्यांना अटक करू शकते. असे म्हटले आहे. अरविंद केजरीवाल सरकारमधील मंत्री आतिशी यांनी सोशल मीडिया X वर दावा केला आहे की अरविंद केजरीवाल यांच्या घरी ईडी छापे टाकणार असल्याची बातमी येत आहे. अटक होण्याचीही शक्यता आहे.

आम आदमी पक्षाच्या नेत्यांनी एकामागून एक ट्वीट करत केजरीवाल यांच्या घरी ईडीची छापेमारी आणि त्यांच्या अटकेचा अंदाज लावला आहे. दिल्लीचे मंत्री सौरभ भारद्वाज यांनी देखील एक्स या सोशल मिडीया अकाऊंट वरून पोस्ट केली आहे.

राज्यसभा खासदार आणि आप नेते संदीप पाठक यांनी देखील पोस्ट करत मुख्यमंत्री अरविंद केजरीवाल यांच्यावर उद्या सकाळी ईडीकडून छापा टाकण्याची शक्यता असल्याचे म्हटले आहे.

मुख्यमंत्री अरविंद केजरीवाल यांनी बुधवारी तपास यंत्रणेला लिहिले की ते राज्यसभा निवडणुका आणि प्रजासत्ताक दिनाच्या तयारीमध्ये ते व्यस्त आहेत, परंतु त्यांच्या कोणत्याही प्रश्नाचे उत्तर देण्यास ते तयार आहेत. आप प्रमुखांनी एजन्सीला लिहिलेल्या त्यांच्या आधीच्या पत्रांना उत्तर दिले. ज्यामध्ये त्यांनी कथित चौकशी/तपासासाठी बोलावण्यामागील खरा हेतू आणि या चौकशीचे स्वरूप याबाबत स्पष्टीकरण मागितले होते.