आता 'या' सर्वात मोठ्या शहराचं नाव बदलणार? नामकरणासाठी ABVP, RSS आक्रमक

अखिल भारतीय विद्यार्थी परिषद (ABVP) आणि राष्ट्रीय स्वयंसेवक संघाचे (RSS) कार्यकर्ते अहमदाबादचं (Ahmedabad) नाव बदलून 'कर्णावती' (Karnavati) करणार असल्याचं जाहीर केलंय, यासाठी त्यांनी मोहीमही सुरू केलीये.

अभाविपनं आयोजित केलेल्या जिल्हास्तरीय विद्यार्थी अधिवेशनात अहमदाबादचं नाव बदलून ‘कर्णावती’ करण्याची मोहीम राबविण्याचा ठराव मंजूर केलाय.

ABVP च्या गुजरात युनिट सेक्रेटरी युती गाजरे यांनी सांगितलं की, 'अहमदाबादचं नाव बदलून कर्णावती करण्याचा ठराव इथं आयोजित विद्यार्थी परिषदेत 5 हजार विद्यार्थ्यांनी मंजूर केला. आमच्या मागण्यांसाठी आता आम्ही महसूल अधिकारी, जिल्हादंडाधिकारी आणि महाविद्यालयांचे प्राचार्य यांना निवेदन देणार आहोत.'

कायदेशीर अडथळे दूर करून आवश्यक पाठबळ मिळाल्यास भारतीय जनता पक्षाचं सरकार अहमदाबादचं नाव 'कर्णावती' ठेवेल, असं गुजरातचे तत्कालीन उपमुख्यमंत्री नितीन पटेल यांनी यापूर्वी सांगितलं होतं. आता पुन्हा ही मोहीम तीव्र झालीये.

युवक काँग्रेसचे प्रवक्ते कपिल देसाई म्हणाले, 'सध्या भाजप सर्वच पातळ्यांवर सत्तेत आहे. जर अभाविप अहमदाबादचं नामकरण कर्णावती करण्याबाबत गंभीर असेल, तर ते मुख्यमंत्री योगी आदित्यनाथ यांच्याप्रमाणं कोणत्याही अडचणीशिवाय ते करेल.'