नवी दिल्ली : कोरोनाचा नवा स्ट्रेन गेल्या आठवड्यात ब्रिटनमध्ये सापडला आणि सगळीकडे पुन्हा एकदा दहशतीचे वातावरण पसरले. हा नवा स्ट्रेन अत्यंत संसर्गजन्य असून आधीच्या कोरोना व्हायरसपेक्षा अधिक गतीने पसरण्याची क्षमता या स्ट्रेनमध्ये आहे. सध्या भारतात या स्ट्रेनची बाधा झालेले किमान 20 रुग्ण सापडल्याची माहिती आहे. याबाबत बोलताना All India Institute of Medical Sciences (AIIMS) चे डायरेक्टर रणदीप गुलेरिया यांनी काल बुधवारी सांगितलं की, कोरोनाचा हा नवा स्ट्रेन भारतात डिसेंबर महिन्याआधीच आला असण्याची शक्यता आहे.
ब्रिटनमध्ये हा नवा स्ट्रेन सप्टेंबरमध्ये आढळला आहे, त्यामुळे कदाचित नोव्हेंबर महिन्यातच तो भारतात आल्याची शक्यता नाकारता येत नाही. कोरोनाचा हा नवा स्ट्रेन नेहमीच्या कोरोना विषाणूपेक्षा 70 टक्के अधिक संसर्गजन्य आहे. अधिकृतरित्या हा नवा स्ट्रेन डिसेंबरमध्ये सापडला असला तरीही तो त्याआधीच भारतात आला असावा का याविषयी एएनआयशी बोलताना रणदीप गुलेरिया यांनी सांगितलं की, अशी शक्यता नाकारता येत नाही कारण ब्रिटनमध्ये या नव्या स्ट्रेनमुळे बाधित रुग्ण सप्टेंबर महिन्यात आढळले होते.
त्यांनी म्हटलंय की, नव्या स्ट्रेनमुळे बाधित रुग्ण फारसे नसले तरीही या नव्या विषाणूबाबतची चर्चा सुरु असताना ब्रिटनसोबत प्रवास सुरु होता. हॉलंडमधील डाटा पहा, त्यांनी म्हटलंय की ब्रिटनमध्ये डिसेंबरमध्ये नोंद व्हायच्या आधीच लोकांना या नव्या स्ट्रेनची बाधा झाली होती. त्यामुळे अशी शक्यता आहे की, हा नवा स्ट्रेन डिसेंबरआधीच नोव्हेंबर महिन्यात भारतात आला असावा. त्यांनी पुढे म्हटलंय की, हा नवा स्ट्रेन अधिक संसर्गजन्य असल्याने चिंताजनक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.