18 जातीय गुन्ह्यांमध्ये सहभागी असलेल्या निलंबित भाजप नेत्यावर 101 गुन्हे दाखल झाले आहेत.
हैदराबाद : पैगंबर मोहम्मद यांच्याबाबत केलेल्या कथित वक्तव्यानंतर भाजपचे निलंबित नेते टी राजा सिंह (T Raja Singh) यांना तेलंगणा पोलिसांनी (Telangana Police) पुन्हा एकदा अटक केलीय. राजा सिंह यांच्या विरोधात हैदराबादमध्ये निदर्शनं सुरू आहेत. त्यामुळं त्यांना अटक करून चेरलापल्ली तुरुंगात पाठवण्यात आलंय.
दरम्यान, एआयएमआयएमचे प्रमुख असदुद्दीन ओवैसी (Asaduddin Owaisi) यांनी मुस्लिम समाजातील (Muslim Community) लोकांना शुक्रवारच्या नमाजासंदर्भात मोठं आवाहन केलंय. टी राजा सिंह यांना ताब्यात घेण्याची आणि निलंबनाची मागणी आता पूर्ण झालीय, असं ओवैसींनी एका निवेदनात म्हटलंय. ओवैसींनी लोकांना आता कोणतंही प्रदर्शन न करता शांततेनं शुक्रवारची प्रार्थना पूर्ण करण्यास सांगितलंय.
ओवैसींनी हैदराबाद इथं पत्रकार परिषदेत सांगितलं की, ''मी तुम्हा सर्वांना विनंती करतो की, शुक्रवारच्या नमाजानंतर अशा कोणत्याही घोषणा देऊ नका, ज्यामुळं देशाच्या सौहार्दाला खीळ बसेल.'' टी राजाला अटक करण्याची आमची सर्वात मोठी मागणी होती, जी आता पीडी कायद्यांतर्गत पूर्ण झालीय. पोलिसांनी दिलेल्या माहितीनुसार, 18 जातीय गुन्ह्यांमध्ये सहभागी असलेल्या निलंबित भाजप नेत्यावर 101 गुन्हे दाखल झाले आहेत.
पोलिसांनी दिलेल्या माहितीनुसार, टी. राजा सिंह यांना 25 ऑगस्ट रोजी 1986 च्या कायदा क्रमांक 1 अंतर्गत म्हणजेच पीडी कायदा, हैदराबाद पोलिस आयुक्तांच्या आदेशानुसार ताब्यात घेण्यात आलंय. अधिकाऱ्यानं सांगितलं की, राजा हे प्रक्षोभक भाषणं देत आहेत आणि राज्यात हिंसक वातावरण निर्माण करत आहेत, असं नमूद करण्यात आलंय.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.