जमशेदपूर - झारखंडमधील पश्चिम सिंगभूम जिल्ह्यातील टाटा स्टील या कंपनीने नौमुंडी येथील लोखंडाच्या खाणीत केवळ महिला कर्मचाऱ्यांची शिफ्ट सुरू केली आहे. देशातील हा अशा प्रकारचा पहिलाच उपक्रम असल्याचा दावा कंपनीने केला आहे..या निवेदनात म्हटले आहे, की या स्वतंत्र शिफ्टमध्ये महिला कर्मचारी खाणीत अर्थ मूव्हिंगसारखे जड मशिन चालविणे, ड्रिलिंग करणे, अवजड वाहने चालविण्यासारखे कामे सहजपणे करत आहेत. एखाद्या लोखंडाच्या खाणीत एका शिफ्टमध्ये सर्व महिला कर्मचाऱ्यांनी काम करण्याची ही पहिलीच वेळ आहे..यातून पारंपरिकरीत्या पुरुषप्रधान समजल्या जाणाऱ्या क्षेत्रातही समान संधी उपलब्ध करून देण्याप्रतिची आमच्या कंपनीची वचनबद्धता यातून अधोरेखित होते. या खाणीचे सुरक्षा विभागाचे उपसंचालक श्यामसुंदर प्रसाद यांनी सोमवारी (ता. १६) महिलांच्या या शिफ्टला हिरवा झेंडा दाखविला. ते म्हणाले, की कामाच्या ठिकाणी समानतेला प्रोत्साहन देण्याबाबत सरकारला यातून आम्ही पाठिंबा दिला आहे..केंद्र सरकारने खाण कायदा, १९५२ शिथिल करत महिलांना सर्व शिफ्टमध्ये कामाची मुभा दिली होती. त्यानंतर टाटा स्टीलच्या खाण सुरक्षा विभागाच्या महासंचालकांनी खाणीत सर्व शिफ्टमध्ये महिला कर्मचाऱ्यांची नियुक्ती करण्याचा निर्णय २०१९ मध्ये घेतला होता. एका शिफ्टमध्ये सर्व महिला कर्मचाऱ्यांची नेमणूक करत या दिशेने पुढचे पाऊल उचलले गेले आहे..टाटा स्टीलकडून स्थानिक महिलांची भरती करून घेत त्यांना अर्थ मूव्हिंगसारखे अवजड मशिन हाताळण्याचे प्रशिक्षण देण्यात आले. महिलांचा उत्साह पाहत त्यांना डंपर, डोझर, ग्रेडर, ड्रिल ऑपरेटर आदी पदांवर नेमण्यात आले. प्रशिक्षणासह तांत्रिक व कार्यात्मक कौशल्ये, सुरक्षा विषयक प्रोटोकॉल, शारीरिक तंदुरुस्ती आदी टप्पे पार केल्यानंतर त्यांची एप्रिल २०२२ मध्ये प्रत्यक्ष कामावर नियुक्ती झाली. विशेष म्हणजे, कंपनीने नऊ तृतीयपंथीयांचीही भरती केली आहे..केवळ महिला कर्मचाऱ्यांसाठीची स्वतंत्र शिफ्ट ही केवळ आमच्या कंपनीसाठीच नव्हे तर भारतीय खाण उद्योगासाठीही ऐतिहासिक कामगिरी आहे. रुढीपरंपरा मोडून काढण्याच्या महिलांच्या क्षमतेचा हा पुरावा आहे. खाणकामाच्या क्षेत्रात महिलांना यापुढेही अधिक संधी उपलब्ध करून दिल्या जातील.- डी.बी. सुंदररामम, उपाध्यक्ष, टाटा स्टील (कच्चा माल विभाग).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
जमशेदपूर - झारखंडमधील पश्चिम सिंगभूम जिल्ह्यातील टाटा स्टील या कंपनीने नौमुंडी येथील लोखंडाच्या खाणीत केवळ महिला कर्मचाऱ्यांची शिफ्ट सुरू केली आहे. देशातील हा अशा प्रकारचा पहिलाच उपक्रम असल्याचा दावा कंपनीने केला आहे..या निवेदनात म्हटले आहे, की या स्वतंत्र शिफ्टमध्ये महिला कर्मचारी खाणीत अर्थ मूव्हिंगसारखे जड मशिन चालविणे, ड्रिलिंग करणे, अवजड वाहने चालविण्यासारखे कामे सहजपणे करत आहेत. एखाद्या लोखंडाच्या खाणीत एका शिफ्टमध्ये सर्व महिला कर्मचाऱ्यांनी काम करण्याची ही पहिलीच वेळ आहे..यातून पारंपरिकरीत्या पुरुषप्रधान समजल्या जाणाऱ्या क्षेत्रातही समान संधी उपलब्ध करून देण्याप्रतिची आमच्या कंपनीची वचनबद्धता यातून अधोरेखित होते. या खाणीचे सुरक्षा विभागाचे उपसंचालक श्यामसुंदर प्रसाद यांनी सोमवारी (ता. १६) महिलांच्या या शिफ्टला हिरवा झेंडा दाखविला. ते म्हणाले, की कामाच्या ठिकाणी समानतेला प्रोत्साहन देण्याबाबत सरकारला यातून आम्ही पाठिंबा दिला आहे..केंद्र सरकारने खाण कायदा, १९५२ शिथिल करत महिलांना सर्व शिफ्टमध्ये कामाची मुभा दिली होती. त्यानंतर टाटा स्टीलच्या खाण सुरक्षा विभागाच्या महासंचालकांनी खाणीत सर्व शिफ्टमध्ये महिला कर्मचाऱ्यांची नियुक्ती करण्याचा निर्णय २०१९ मध्ये घेतला होता. एका शिफ्टमध्ये सर्व महिला कर्मचाऱ्यांची नेमणूक करत या दिशेने पुढचे पाऊल उचलले गेले आहे..टाटा स्टीलकडून स्थानिक महिलांची भरती करून घेत त्यांना अर्थ मूव्हिंगसारखे अवजड मशिन हाताळण्याचे प्रशिक्षण देण्यात आले. महिलांचा उत्साह पाहत त्यांना डंपर, डोझर, ग्रेडर, ड्रिल ऑपरेटर आदी पदांवर नेमण्यात आले. प्रशिक्षणासह तांत्रिक व कार्यात्मक कौशल्ये, सुरक्षा विषयक प्रोटोकॉल, शारीरिक तंदुरुस्ती आदी टप्पे पार केल्यानंतर त्यांची एप्रिल २०२२ मध्ये प्रत्यक्ष कामावर नियुक्ती झाली. विशेष म्हणजे, कंपनीने नऊ तृतीयपंथीयांचीही भरती केली आहे..केवळ महिला कर्मचाऱ्यांसाठीची स्वतंत्र शिफ्ट ही केवळ आमच्या कंपनीसाठीच नव्हे तर भारतीय खाण उद्योगासाठीही ऐतिहासिक कामगिरी आहे. रुढीपरंपरा मोडून काढण्याच्या महिलांच्या क्षमतेचा हा पुरावा आहे. खाणकामाच्या क्षेत्रात महिलांना यापुढेही अधिक संधी उपलब्ध करून दिल्या जातील.- डी.बी. सुंदररामम, उपाध्यक्ष, टाटा स्टील (कच्चा माल विभाग).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
