Amazonचा संसदीय समितीसमोर हजर होण्यास नकार

amazon
amazon

नवी दिल्ली - ऑनलाइन शॉपिंग कंपनी अॅमेझॉनने पर्सनल डेटा प्रोटेक्शन बिलाशी संबंधित संसदीय समितीसमोर हजर होण्यास नकार दिला आहे. सूत्रांनी दिलेल्या माहितीनुसार 28 ऑक्टोबरला उपस्थित राहता येणार नसल्याचं अॅमेझॉनने म्हटलं आहे.

 अॅमेझॉनच्या प्रतिनिधींनी पर्सनल डेटा प्रोटेक्शन बिल 2019 संबंधित संयुक्त संसदीय समितीसमोर हजर रहायचं होतं. जर अॅमेझॉनचे प्रतिनिधी संसदीय समितीसमोर 28 ऑक्टोबरला हजर राहिले नाहीत तर त्यांची अनुपस्थितीत गांभीर्याने घेतली जाईल. या प्रकरणी अॅमेझॉनवर कठोर कारवाई केली जाऊ शकते. याला संसदेच्या विशेषाधिकाराचा अवमान समजून कारवाई केली जाण्याची शक्यता आहे.

फेसबुक इंडियाचे अधिकारी शुक्रवारी संसदीय समितीसमोर या प्रकऱणी हजर झाले. त्यांनी डेटा प्रोटेक्शन बिलावर त्यांची बाजू मांडली. जवळपास दोन तास ही बैठक सुरू होती. आ बैठकीला फेसबुक इंडियाच्या प्रतिनिधी म्हणून पॉलिसी हेड अंखी दास आणि बिझनेस हेड अजित मोहन उपस्थित होते. त्यांनी स्पष्टपणे सांगितलं की, कोणत्याही भारतीय नागरिकाचा डेटा प्रचार, व्यवसाय किंवा निवडणुकी दरम्यान वापरला जाऊ शकत नाही. 

खासदारांनी फेसबुकच्या अधिकाऱ्यांनी असेही विचारले होते की, तुमच्या कमाईतील किती टक्के भाग युजर्सच्या डेटा प्रोटेक्शनवर खर्च करता. याशिवाय एकूण कमाई आणि टॅक्स किती भरला जातो याचीही माहिती संसदीय समितीने मागून घेतली. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com