जगातील सर्वात श्रीमंत व्यक्ती त्याच्या 'मुमताज'सह पोहोचला ताजमहालला!

नवी दिल्ली : जगातील सर्वात श्रीमंत व्यक्ती, अॅमेझॉन कंपनीचे संस्थापक आणि मुख्य कार्यकारी अधिकारी (CEO) जेफ बेजोस हे सध्या भारत दौऱ्यावर आहेत. जगातील आश्चर्यांपैकी एक असणाऱ्या ताजमहालला जेफ यांनी गर्लफ्रेंड लॉरेन सांजेससोबत भेट दिली आहे. प्रेमाचं प्रतिक असलेल्या ताजमहालसमोर त्यांनी पोस दिेलेले फोटो सध्या इंटरनेटवर व्हायरल होत आहेत. 

वाचा : अवकाशात जाणाऱ्या भारतीय रोबो अंतराळविराचा फोटो व्हायरल  

पांढऱ्या संगमरवरीने बनलेल्या या भव्य ताजमहालाला जेफ यांनी निरखून पाहिले, त्याचे निरिक्षण केले. जेफ यांनी वाराणसी आणि आग्र्यामध्येही दौरा केला. सोमवारी (ता. 20) ला काशीच्या गंगेची आरतीचं दर्शन जेफ यांनी घेतलं. त्यानंतर  चार्टर्ड प्लेनने मंगळवारी दुपारी 12 वाजता आग्रा येथील जातमहालला जेफ आणि गर्लफ्रेंड लॉरेन यांनी भेट दिली आहे. 

वाचा : नेताजींच्या जयंतीनिमित्त सुटी जाहीर!

गर्लफ्रेंड लॉरेनसोबतचा जेफ यांचा वाराणसीमधील दौरा गोपनीय ठेवण्यात आला होता. ते कुठे गेले आणि कोणाची भेट घेतली या सर्वाची माहिती गुपित ठेवण्यात आली होती. लाल बहादूर शास्त्री आंतरराष्ट्रीय विमानतळावरील संचालक आकाशदिप माथुर यांनी जेफ यांच्यासोबतचा फोटो शेअर केला आणि त्यामुळे ते वाराणसीमध्ये असल्याती माहिती समोर आली. क्रिम रंगाच्या सुटमध्ये जेफ तर, केशरी रंगाच्या ड्रेसमध्ये लॉरेन यांचा फोटो सध्य़ा इंटरनेटवर व्हायरल होत आहे.