#AmitShahMustResign 'अमित शहा दिल्ली वाचवा, राजीनामा द्या!'

नवी दिल्ली : देशभरात सीएए आणि एनसीआरविरोधात देश पेटलेला असून सगळीकडेच तणावाचे वातावरण आहे. राजधानी दिल्लीत गोळीबाराच्या घटना वारंवार घडत आहेत. आज (ता. 3) सकाळीही जामिया इस्लामिया विद्यापीठाबाहेर दुसऱ्यांदा गोळीबार झाला. तर दिल्लीतील गोळीबाराची ही तिसरी घटना आहे. या सगळ्या गोंधळात केंद्रीय गृहमंत्री अमित शहा काय करत आहेत, त्यांनी राजीनामा द्यावा असा सवाल नेटकरी करत आहेत. याचसंदर्भात #AmitShahMustResign हा हॅशटॅग ट्विटरवर ट्रेंड होत आहे. 

दिल्लीत जामियाबाहेर पुन्हा गोळीबार; तिसरी घटना

जेएनयुमध्ये अज्ञातांनी केलेल्या हल्ल्यापासून अमित शहा यांनी कोणतीच प्रतिक्रीया दिली नाही, कोणाला ताब्यात घेतले नाही. त्यानंतर जामिया इस्लामिया बाहेर एका माथेफिरूने गोळीबार केला होता. त्यानंतर दोन दिवसांपूर्वी शाहीन बागमध्ये सीएएविरोधात निदर्शने करणाऱ्या विद्यार्थ्यांवर अज्ञातांनी गोळीबार केला, तर काल रात्री जामिया इस्लामिया विद्यापीठीबाहेर पुन्हा एकदा अनोळखी बंदुकधारी लोकांनी येऊन गोळीबार केला. आंदोलन करणाऱ्या विद्यार्थ्यांवर इतके हल्ले होत असून गृहमंत्रा त्यावर कसे बोलत नाहीत, असा सवाल सोशल मीडियातून विचारला जात आहे. तर इतक्या सगळ्या घडामोडी घडूनही शांत बसणाऱ्या गृहमंत्री अमित शहांनी आता राजीनामा द्यावा, अशीही मागणी केली जात आहे. 

'गांधीजींचा स्वातंत्र्यलढा हा ड्रामा!'; भाजप खासदाराची मुक्ताफळे

काल रात्री दिल्लीत तिसऱ्यांदा गोळीबार
जामिया मिलिया विद्यापीठाच्या गेट नंबर 5 जवळ रविवारी रात्री उशिरा गोळीबार झाला. दुचाकीवरून आलेल्या दोन संशयितांनी गोळीबार केला. गेल्या चार दिवसांतील दिल्लीतील गोळीबाराची ही तिसरी घटना आहे. जामिया, शाहीनबाग आणि आता पुन्हा जामिया विद्यापीठाबाहेर गोळीबार झाला आहे. या गोळीबारामुळे केंद्रीय गृहमंत्री अमित शहा यांच्या राजीनाम्याची मागणी विरोधकांकडून करण्यात येत आहे. 

ताज्या बातम्यांसाठी डाऊनलोड करा ई-सकाळचे ऍप

जामियाबाहेर झालेल्या गोळीबारात कोणीही जखमी झाले नाही. गोळीबाराची माहिती मिळताच जामिया मिलिया इस्लामियाबाहेर लोक जमा झाले आणि त्यांनी निदर्शने केली. पोलिस पथक घटनास्थळी पोहोचले आहे, गेट क्रमांक 5 आणि 7 मधील सीसीटीव्ही फुटेज गोळा करण्यात येईल. सुधारित नागरिकत्व कायदा आणि एनआरसीच्या विरोधात जामिया परिसरात आंदोलन सुरु आहे. रविवारी शाहिनबाग येथे सायंकाळी पाचच्या सुमारास एका युवकाने गोळीबार केला होता. गोळीबार करणाऱ्या युवकाचे नाव कपिल गुज्जर (रा. दल्लुपुरा, उत्तर प्रदेश) असे आहे. या घटनेने एकच खळबळ उडाली आणि आरोपीला पोलिसांनी ताब्यात घेतले. या गोळीबारात कोणीही जखमी झाले नसल्याचे पोलिसांनी सांगितले.