नदी किनारी मृतावस्थेत आढळला हत्ती; मृत्यूचं कारण काय?

भारतीय संस्कृतीत हत्तीला (Elephant) दैव्य रूप मानले जाते.यात देशात दिवसेंदिवस हत्तींच्या मृत्युचे प्रमाण वाढत आहे.या आधीही आसाम (Assam)आणि केरळ (Kerala) मध्ये हत्तींच्या मृत्युच्या घटना समोर आल्या होत्या आणि आता उत्तराखंडात (Uttarakhand) एक हत्ती मृतावस्थेत आढळून आलाय. या घटनेने परीसरात एकच खळबळ उडाली आहे. (An elephant was found dead in Saung river in uttarakhand)

शनिवारी दुपारी काही लोकांना उत्तराखंडातील ऋषिकेशजवळील राजाजी नॅशनल पार्कला लागून असलेल्या साहेब नगर, ग्रामपंचायतीतील सौंग नदीत हत्तीचा मृतदेह पडलेला दिसला. घटनेची माहिती मिळताच वन कर्मचारी घटनास्थळी पोहचले तर त्यावेळी हत्तीच्या शरीरावर जखमांच्या खुणा आढळल्या. दोन हत्तीमधील आपसी संघर्षामध्ये हत्तीचा मृत्यु झाला असावा, अशी प्राथमिक शक्यता वर्तवती जात आहे. याविषयी अधिक तपास सुरू आहे.

या घटनेविषयी राजाजी राष्ट्रीय उद्यान प्रशासनाने माहिती दिली. हत्तीचे मृतदेह ताब्यात घेऊन पोस्टमार्टमसाठी पाठवण्यात येत आहे. त्यानंतरच मृत्यूचे खरे कारण समजेल असेही त्यांनी सांगितले.