PM मोदींच्या सुरक्षेवरुन अनुपम खेर म्हणाले - देव तारी, त्याला कोण मारी! | Anupam Kher Comment On PM Modi Security | Sakal
sakal

बोलून बातमी शोधा

anupam kher

PM मोदींच्या सुरक्षेवरुन अनुपम खेर म्हणाले - देव तारी, त्याला कोण मारी!

मुंबई : पंतप्रधान नरेंद्र मोदी (PM Modi) यांना बुधवारी (ता.पाच) सुरक्षेच्या कारणावरुन पंजाबमधील फिरोजपूरचा दौरा रद्द करावा लागला. त्यांच्या सुरक्षेचा मुद्दा देशात चांगलाच तापला आहे. याबाबत केंद्रीय गृह मंत्रालयाने पंजाब सरकारला अहवाल मागवला आहे. केंद्रीय मंत्र्यांपासून भाजप नेत्यांनी काँग्रेस पक्षावर हल्लाबोल केला आहे. प्रसिद्ध अभिनेते अनुपम खेर (Anupam Kher) यांनीही यात उडी घेतली आहे. ते म्हणतात, आज भारताचे पंतप्रधान नरेंद्र मोदीजी यांच्या सुरक्षेबाबत कुचराई झाली आहे. ही पंजाब पोलिस आणि सरकारसाठी खेदजनक आणि लाजीरवाणी गोष्ट आहे. या प्रकरणी देशाचे पंतप्रधानांविषयी काही लोकांचा तिरस्कार ही त्यांच्या भित्रेपणाचे लक्षण आहे. पण लक्षात ठेवा, देव तारी त्याला कोण मारी ! असे आपल्या ट्विटमध्ये म्हणत अनुपम खेर यांनी घडलेल्या घटनेचा निषेध केला आहे.(Anupam Kher Criticize Punjab Government Over PM Modi Security Issue)

हेही वाचा: PM मोदीचं सुरक्षित नसतील तर, देशाच काय? : सायना नेहवाल

काँग्रेस सरकार भाजपला इतके घाबरले आहे की ते आता पूर्णपणे अविचारी वृत्तीने वागत आहे. या प्रकाराबद्दल काँग्रेस सरकारने देशवासियांची माफी मागितली पाहिजे, अशी मागणी महाराष्ट्राचे विधान परिषदेतील विरोधी पक्षनेते प्रवीण दरेकर यांनी केली आहे. पंजाबचे मुख्यमंत्री चरणजितसिंग चन्नी यांनीही घडलेल्या प्रकाराबद्दल खेद व्यक्त केला आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :anupam kher
loading image
go to top