Crime News : घृणास्पद! महिलेला गाडीत खेचलं अन् चौघांनी चालत्या गाडीत केला बलात्कार

बंगळुरूमध्ये चालत्या गाडीत एका महिलेवर सामूहिक बलात्कार झाला आहे. चौघांनी या महिलेवर बलात्कार केला असून पोलिसांनी चारही आरोपींना अटक केली आहे. चौघांची चौकशी सध्या सुरू आहे.

ही महिला कोरमंगला इथल्या नॅशनल गेम्स व्हिलेज पार्क इथं बसली होती. तेव्हा रात्री १० च्या सुमारास चार जण तिथे आले आणि त्या महिलेला त्यांनी गाडीमध्ये खेचलं. त्यानंतर ते वेगाने तिथून निघून गेले. पोलिसांनी दिलेल्या माहितीनुसार, आरोपींनी चालत्या गाडीत या महिलेवर बलात्कार केला आहे.

२५ मार्च रोजी आरोपींनी या महिलेला नेलं आणि २६ मार्चला सकाळी तिच्या घराजवळ आणून सोडलं. त्यानंतर या घटनेबद्दल कोणाला सांगितल्यास जीवे मारण्याची धमकीही आरोपींनी दिली. या महिलेला उपचारासाठी रुग्णालयात दाखल कऱण्यात आलं आहे. पोलिसांनी तक्रार दाखल करून घेतली आहे.