Bharat Jodo Yatra : राहुल गांधींची कार्ल मार्क्ससोबत तुलना; पण व्हायरल फोटोमागचं सत्य काय?

राहुल गांधींची भारत जोडो यात्रा सध्या देशभरात गाजत आहे. या यात्रेदरम्यानचे त्यांचे फोटो सध्या व्हायरल होत आहेत. यामध्ये कधी ते लहान मुलांसोबत पुशअप्स करतायत, तर कधी मुलींसोबत फिरत आहेत. असाच त्यांचा एक दाढीतला फोटोही व्हायरल होत आहे. मात्र हा फोटो खरा आहे की खोटा? जाणून घ्या.

राहुल गांधी यांचा दाढीमधला हा फोटो सोशल मीडियावर व्हायरल होत आहे. या फोटोमध्ये राहुल गांधींना अनेकांनी प्रसिद्ध विचारवंत कार्ल मार्क्सचीही उपमा दिली आहे. मात्र हा फोटो एडिट केलेला आहे. या फोटोमध्ये राहुल गांधींच्या डोक्याचे आणि दाढीचे केस थोडे वाढवण्यात आले आहेत. आणि ते कार्ल मार्क्ससारखे लावण्यात आले आहेत.

या फोटोचा मूळ फोटो काँग्रेसने आपल्या अधिकृत ट्विटर हँडलवरुन शेअर केला आहे. हा मूळ फोटो पाहिल्यास आपल्याला लगेचच लक्षात येईल की राहुल गांधींचा हा फोटो एडिटेड आहे. कार्ल मार्क्सप्रमाणे दाखवण्यासाठी हा फोटो एडिट करण्यात आला आहे. राहुल गांधी अशा छोट्या छोट्या गोष्टींमुळे याआधीही चर्चेत आले आहेत. कधी त्यांच्या टीशर्टची किंमत चर्चेत आली आहे. तर कधी त्यांचे पावसात भाषण देतानाचे फोटो, व्हिडीओ व्हायरल होत आहेत. ४० दिवस सुरू असलेल्या या यात्रेमुळे राहुल गांधी यांच्या लूकमध्ये बदल झाला आहे.