Bihar: नितीश कुमारांच्या पलटीने 'मविआतही' जीव फुंकला, पवारही बनवत आहेत डाव? | Sakal
sakal

बोलून बातमी शोधा

CM Nitish Kumar & Sharad Pawar

Bihar: नितीश कुमारांच्या पलटीने 'मविआतही' जीव फुंकला, पवारही बनवत आहेत डाव?

बिहारच्या राजकारणातील बदलाचा परिणाम महाराष्ट्रातही दिसून येत आहे. शरद पवार यांच्या राष्ट्रवादी काँग्रेसने महाविकास आघाडी सुरू ठेवण्याची इच्छा व्यक्त केल्याचे वृत्त आहे. यासंदर्भात राष्ट्रवादीच्या नेत्यांनी शिवसेना पक्षप्रमुख उद्धव ठाकरे यांचीही भेट घेतली आहे. बिहारमध्ये मुख्यमंत्री नितीश कुमार यांनी एनडीएपासून वेगळे होऊन नवीन आघाडी स्थापन केली असून त्यात राष्ट्रीय जनता दल, काँग्रेस, डावे दल, हिंदुस्थानी अवाम मोर्चा यांचा समावेश आहे.

बुधवारी राष्ट्रवादीच्या वरिष्ठ नेत्यांनी ठाकरे यांची भेट घेतली. विरोधी पक्षनेते अजित पवार, प्रदेशाध्यक्ष जयंत पाटील यांच्यासह माजी मंत्री छगन भुजबळ, सुनील तटकरे आदी नेत्यांचा यात समावेश होता. ठाकरे यांचे शासकीय निवासस्थान मातोश्रीवर या नेत्यांनी सुमारे तासभर चर्चा केली. विशेष म्हणजे ठाकरे यांच्या राजीनाम्यापासून राष्ट्रवादी आणि शिवसेना यांच्यात कोणताही संपर्क झालेला नाही.

हेही वाचा: Bihar: सोनिया गांधींचा एक कॉल आणि लिहिली गेली नितीश कुमार यांच्या बंडाची स्क्रिप्ट

वृत्तसंस्थेला एका ज्येष्ठ नेत्याने नाव न छापण्याच्या अटीवर सांगितले की, "ठाकरे यांना स्वतःच्या अस्तित्वासाठी एकजूट का आवश्यक आहे, हे समजून घेण्याची गरज आहे, असे राष्ट्रवादीच्या नेतृत्वाचे मत आहे." कायद्याची लढाई दीर्घकाळ चालण्याची शक्यता आहे, मात्र तिन्ही पक्ष एकत्र राहून एकत्र निवडणूक लढले तर राज्यातील राजकीय फायदाही त्यांच्याच बाजूने होईल, असे ते म्हणाले.

ते म्हणाले की, नितीश कुमार विरोधी पक्षांमध्ये सामील झाल्याने राष्ट्रीय पातळीवरही बिहारचे राजकीय चित्र बदलले आहे. सर्व विरोधी पक्ष एकत्र आले तर परिस्थिती बदलू शकते असे त्यांनी सांगितले. 2019 मध्ये शिवसेना, राष्ट्रवादी आणि काँग्रेसने मिळून महाविकास आघाडीचे सरकार स्थापन केले, मात्र शिवसेनेतील आमदारांच्या बंडानंतर हे सरकार पडले.

हेही वाचा: Bihar Politics: उपराष्ट्रपतीपदाच्या दाव्यावर नितीश कुमार म्हणतात, "सुशील मोदी विसरले.."

Web Title: Bihar Nitish Kumar Mahavikasaghadi Sharad Pawar Political Plan

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..