Kapil Sibal : झारखंड-छत्तीसगडमध्ये घोडेबाजार होणार, भाजपचा प्लॅन काय? कपिल सिब्बलांचा गौप्यस्फोट!

Kapil Sibal : सीबीआय आणि ईडीकडून दिल्लीपासून देशातील इतर राज्यांतील नेत्यांना वेगवेगळ्या प्रकरणात आलेल्या नोटिसावरुन विरोधक भाजपवर हल्लाबोल करत आहेत. विरोधी पक्षातील अनेक नेते आज ईडीच्या राडरवर आहेत. यावर राज्यसभा खासदार कपिल सिब्बल यांनी गौप्यस्फोट केला.

एबीपी लाइव्हला दिलेल्या मुलाखतीत कपिल सिब्बल यांनी भाजपवर हुकूमशाहीचा आरोप केला आहे. कपिल सिब्बल यांनी उपरोधिकपणे भाजपला टोला लगावला.

"भाजप खूप चांगले काम करत आहे. आज ते मीडियाला गप्प करत आहेत. मेन स्ट्रीम मीडिया भाजपचा अजेंडा चालवत आहे. हे खूप चांगले काम आहे. विरोधी नेत्यांवर ईडीच्या धाडा टाकल्या जात आहे. हे खूप चांगले काम आहे," असे सिब्बल म्हणाले.

यावेळी कपिल सिब्बल यांनी झारखंड-छत्तीसगडमध्ये घोडेबाजार होणार, असल्याचे देखील सांगितले. भाजप झारखंड-छत्तीसगडमधील सरकार पाडण्याचा प्रयत्न करत आहेत. विरोधी पक्ष सत्तेत असलेले सरकार पाडत आहेत, हे खूप चांगले काम आहे का, असा प्रश्न कपिल सिब्बल यांनी उपस्थित केला आहे.