मायदेशी परतल्यावर नरेंद्र मोदींचं भाजपकडून जंगी स्वागत

पंतप्रधान नरेंद्र मोदी हे तीन दिवसीय अमेरिका दौऱ्यावर होते. शनिवारी रात्री उशिरा ते भारतासाठी रवाना झाले होते. आज काळी ते भारतात पोहोचले आहेत. दिल्लीच्या पालम विमानतळावर त्यांचं जे.पी. नड्डा आणि भाजप नेते आणि कार्यकर्त्यांच्या उपस्थितीत जोरदार स्वागत करण्यात आलं आहे.

त्यांच्या या दौऱ्यात त्यांनी अमेरिकेचे उपराष्ट्राध्यक्ष जो बायडेन उपराष्ट्रपती कमला हॅरिस आणि अन्य काही देशांच्या पंतप्रधानांची भेट घेतली. विशेष म्हणजे क्वाड परिषद आणि कोविड परिषदेत संबोधित केले आहे. त्यांचा हा दौरा ऐतिहासिक असल्याचे भारताच्या परराष्ट्र मंत्रालयाचे प्रवक्ते अरिंदम बागची यांनी सांगितले आहे. आपल्या तीन दिवसांच्या दौऱ्यात पंतप्रधान मोदींनी संयुक्त राष्ट्र महासभेच्या (UNGA) 76 व्या सत्राला संबोधित केलं. पहिल्या Quad Summit मध्ये भाग घेतला.