नवी दिल्ली : एज्युकेशन टेक्नॉलॉजी कंपनी Byju ने मार्केटिंग आणि ऑपरेटिंगवरील खर्च अधिकाधिक वाढवून मार्च 2023 पर्यंत फायदेशीर स्थितीत पोहोचण्याची योजना आखली आहे. यासाठी कंपनीने पुढील सहा महिन्यांत पाच टक्के किंवा सुमारे अडीच हजार कर्मचाऱ्यांना कामावरून काढण्याचं निश्चित केलं आहे.
कंपनीच्या सह-संस्थापिक दिव्या गोकुलनाथ यांनी सांगितले की, कंपनी नवीन भागीदारांद्वारे परदेशात ब्रँड जागरूकता वाढवण्यावर लक्ष केंद्रित करणार आहे. याशिवाय, भारत आणि परदेशातील व्यवसायासाठी 10,000 शिक्षकांची नियुक्ती करणार आहे.
गोकुळनाथ म्हणाल्या, आम्ही संपूर्ण भारतात आमचा ब्रँड निर्माण केला आहे. आता मार्च 2023 पर्यंत अधिक नफा मिळवण्याची योजना आखत आहोत. त्यासाठी आम्ही मार्ग काढला आहे. योजनेंतर्गत, विपणन बजेट जास्तीत जास्त वाढवले जाईल आणि खर्चाचा प्राधान्यक्रम निश्चित केला जाईल.
त्या म्हणाल्या की, नवीन योजनेमुळे कार्यक्षमता वाढण्यास आणि निकृष्ट गोष्टीटाळण्यास मदत होईल. आमचे हायब्रीड लर्निंग मॉडेल 'ट्यूशन सेंटर' आणि आमचे 'ऑनलाइन लर्निंग मॉडेल' जे बायजूचे क्लासेस किंवा आमचे 'लर्निंग अॅप' आहे. विशेषतः, आम्ही आमच्या पहिल्या दोन उत्पादनांसाठी 10,000 शिक्षकांची नियुक्ती करण्याची योजना आखत आहोत.
31 मार्च 2021 रोजी संपलेल्या आर्थिक वर्षात बायजूला 4,588 कोटी रुपयांचा तोटा झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
