CCTV Viral Video: केबल दुरुस्तीसाठी आला अन् आवळला गळा, वृद्ध महिलेची जीवासाठी धडपड कॅमेऱ्यात कैद

आंध्र प्रदेशातील गवरापलेम येथून एका धक्कादायक घटना समोर आली आहे. यामध्ये एका केबल टेक्निशियनने गेल्या आठवड्यात वृद्ध महिलेची सोनसाखळी चोरण्यासाठी तिच्याच घरात गळा दाबून खून करण्याचा प्रयत्न केला.

या घटनेच्या व्हायरल झालेल्या सीसीटीव्ही व्हिडिओमध्ये खाली बसलेल्या महिलेच्या गळ्याभोवती हा केबल टेक्निशियन टॉवेलने गुंडाळून तिचा खून करण्याचा प्रयत्न करत असल्याचे दिसत आहे.

पोलिसांनी दिलेल्या माहितीनुसार, हा केबल टेक्निशियन 67 वर्षीय महिलेची सोनसाखळी चोरण्याचा प्रयत्न करत होता.

ही घटना आंध्र प्रदेशातील गवरापलेम येथे २६ जानेवारी रोजी सायंकाळी साडेसातच्या सुमारास घडली. हल्ल्यानंतर, महिलेच्या कुटुंबियांनी दिलेल्या तक्रारीच्या आधारे केबल टेक्निशियनवर खून आणि दरोड्याचा गुन्हा दाखल करण्यात आला आहे.

या घटनेपासून फरार असलेल्या गोविंद या आरोपीला शोधण्यासाठी पोलीस सध्या प्रयत्न करत आहेत.