सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
भोपाळ- मध्य प्रदेशच्या डिंरोरी जिल्ह्यातील शाहपुरामध्ये एका महिला उपविभागीय दंडाधिकाऱ्याचा (एसडीएम) मृत्यू झाला होता. पोलिसांनी मृत्यूच्या २४ तासांत निशा नापित शर्माच्या हत्येचे रहस्य उलगडलं आहे. याप्रकरणी पोलिसांनी पती मनीष शर्मा याला अटक केली आहे. पोलिसांनी बेडशीट, उशी आणि वॉशिंग मशीनमध्ये असलेल्या कपड्यांच्या मदतीने हत्येचा कट समोर आणला आहे. (How a washing machine helped solve mystery sdm murdered by her husband MP crime news)
माहितीनुसार, निशाने पतीला सर्विस बुक, विमा आणि बँक रिकॉर्डमध्ये वारस केलं नव्हतं. याच्या रागातून मनीषने पत्नीची हत्या केली आहे. निशा शर्मा यांची अचानक हत्या झाल्याने खळबळ उडाली होती. रिपोर्टनुसार, मनीषने आपल्या पत्नीला शाहपुरा हॉस्पिटलमध्ये दाखल केले होते. नाक आणि तोंडातून रक्त येत असल्याचं त्यानं कारण दिलं होतं. मात्र, हॉस्पिटमध्ये दाखल करण्याच्या आधीच निशा यांचा मृत्यू झाला होता.
मनीषने चौकशीमध्ये सांगितलं होतं की, निशा यांची तब्येत गेल्या काही दिवसांपासून ठीक नव्हती. त्यामुळे त्यांना उपचारासाठी हॉस्पिटलमध्ये आणलं होतं. पोस्टमार्टम रिपोर्टमध्ये स्पष्ट झालं होतं की निशा यांचा मृत्यू चार ते पाच तास आधीच झाला होता. (MP Crime News Husband Kill SDM wife)
अधिकाऱ्याचा मृत्यू झाल्याने पोलिसांनी याप्रकरणात गांभीर्याने चौकशी सुरु केली. फॉरेन्सिक टीमला एक बेडशीट, उशी आणि वॉशिंग मशीनमध्ये निशा यांचे कपडे सापडले होते. त्यामुळे पोलिसांचा संशय बळावला. पोलिसांनी मनीषला चौकशीसाठी बोलावलं. त्याला वॉशिंग मशीनमध्ये सापडलेल्या सामानाबाबत चौकशी केली. त्यानंतर मनीषने कबुल केलंय की त्याने तोंड दाबून पत्नीची हत्या केली आहे. हत्येचे पुरावे नष्ट करण्यासाठी मनीषने निशा यांचे कपडे, उशी-बेडशीट वॉशिंग मशीनमध्ये टाकले होते. त्यानंतर कपडे वाळवल्यानंतर तिथेच ठेवले होते.
माहितीनुसार, निशा शर्मा (५१) आणि प्रॉपर्टी डीलर मनीष शर्मा (४५) यांची एका ऑनलाईन मॅट्रिमोनी पोर्टलवरुन ओळख झाली होती. त्यानंतर सप्टेंबर २०२० मध्ये दोघांनी लग्न केले. लग्नापासूनच त्यांच्यामध्ये भांडण होऊ लागले. निशाने सर्विस बुक, विमा आणि बँकेसंबंधी कागदपत्रात नॉमिनी म्हणून मनीषचे नाव नोंदवले नव्हते. त्यामुळे मनीष चिडला होता. हुंडाबळी, पुरावे नष्ट करणे आणि इतर गुन्हेगारी कृत्यांसाठी गुन्हा दाखल करण्यात आला आहे. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
