गांजा लावल्यास फायदे मिळणार नाहीत, के चंद्रशेखर राव यांचा इशारा

हैदराबाद : तेलंगणाचे मुख्यमंत्री के चंद्रशेखर राव (CM K Chandrashekhar Rao) यांनी गांजा उत्पादक शेतकऱ्यांना (Ganja Growers) सज्जड इशारा दिला आहे. शनिवारी (ता.२३) ते म्हणाले, की सरकार तात्काळ रायथू बंधू, रायथू बिमा, मोफत वीज आदी सुविधा गांजा उत्पादकांचा बंद केली जाणार आहे. याबरोबरच उत्पादकांना अटक आणि कडक कायदेशीर कारवाईबरोबरच सरकार त्यांचे जमिनीचा पट्टा रद्द करणार आहे.सर्व जिल्ह्यातील जिल्हाधिकारी, वन आणि महसूल अधिकाऱ्यांची पोडू जमीन आणि वन जमिनीचे संरक्षण याबाबत आढाव बैठक शनिवारी प्रगती भवनात पार पडली. या प्रसंगी राव म्हणाले, की १२ जिल्ह्यांमध्ये ८७ टक्के पोडू जमिनीवर अतिक्रमण झाल्याचा अहवाल मिळाला आहे.

भद्राद्री कोथगुडम, कुमाराम, भीम असिफाबाद, आदिलाबाद, जयाशंकर भूपालपल्ली, कामरेड्डी, खम्मा, निर्मळ, वरंगळ, नाळगोंडा आणि निझामाबाद येथे पोडू जमिनीवर मोठ्याप्रमाणावर अतिक्रमण झाल्याचे दिसून येत आहे. मुख्यमंत्र्यांनी अधिकाऱ्यांना नोव्हेंबर ८ ते डिसेंबर ८ दरम्यानचे पोडू जमिनीवरील दावे स्वीकारण्यास सांगितले. सदरील दावे पोडू जमिन कसणारे आदिवासींकडून स्वीकारायचे आहे. ८ नोव्हेंबरच्या पूर्वी बैठक होईल.