Charles Sobhraj : वडिलांच्या द्वेषामुळे चार्ल्स शोभराज बनला 'बिकनी किलर'

भारतातील मिडियाच नव्हे  तर जगभरातील प्रसारमाध्यमांमध्ये बिकिनी किलर या नावाने ओळखला जाणारा चार्ल्स शोभराज सध्या पुन्हा एकदा चर्चेत आलाय.  नेपाळच्या जेलमध्ये शिक्षा भोगत असणाऱ्या या  'बिकिनी किलर'ची लवकरच सुटका होणार आहे. न्यायालयाने त्याच्या सुटकेचे आदेश दिले आहे.

खरे तर एक वेळ अशी होती की चार्ल्स शोभराजच्या मागावर भारत, नेपाळ, म्यानमार, थायलंड, फ्रान्स, इराण, ग्रीस, तुर्कस्तान यासह किमान नऊ देशांचे पोलिस लागले होते. एवढंच नव्हे या शोभराजने  तब्बल चार देशांत कैदी म्हणून शिक्षा भोगली आहे.

चार्ल्स शोभराजचा उल्लेख केल्यावर एकामागून एक कथांची संपूर्ण यादी समोर येते. या यादीत शोभराजशी संबंधित प्रत्येक गोष्ट अशी आहे की, बॉलिवूडपासून हॉलिवूडपर्यंत कुठेही तीन तासांचा एक मनोरंजक आणि थरारक चित्रपट बनवता येईल.

चार्ल्स शोभराजच्या रहस्यमय वृत्तीबद्दल एका फ्रेंच लेखकाने लिहिले आहे की त्याचे गुन्हे आणि त्याच्या सर्व कृती त्याच्या स्वभावाच्या मागे त्याच्या बालपणातील काही प्रसंग दडले असल्याची साक्ष देतात. या मनोवैज्ञानिक लेखकाने आपल्या पुस्तका तकेलेल्या दाव्यानुसार, बालपणातील निराशा आणि एखाद्याच्या पालकांबद्दलचा द्वेष एखाद्याला चार्ल्स शोभराजसारख्या गुन्हेगारी मनोवृत्तीमध्ये बदलतो.

चार्ल्स शोभराजबद्दल म्हणाल तर ही गोष्ट अगदी बरोबर असण्याची शक्यता आहे . कारण जगातील सर्व सिरीयल किलर्सच्या तुलनेत चार्ल्स शोभराजने कधी रागीट आणि कधीही हिंसक स्वभाव व्यक्त केला नाही. 

इतकेच नाही तर त्याच्या कुटुंबात त्याच्या आई-वडिलांचाही गुन्हेगारी जगाशी संबंध नव्हता.त्याची व्हिएतनामी आई त्याच्या भारतीय वडिलांपासून वेगळी राहिली होती कारण दोघांनी कधीही लग्न केले नव्हते, म्हणूनच चार्ल्सच्या भारतीय वडिलांनी त्याला कधीही दत्तक घेतले नाही. अशा परिस्थितीत त्यांच्यासमोर एक वेळ अशीही आली जेव्हा ते कोणत्याही देशाचे नागरिक नव्हते.

चार्ल्सचा जन्म 1944 मध्ये व्हिएतनाममधील सायगॉन येथे झाला. त्या वेळी हे शहर जपानी लोकांच्या ताब्यात होते, त्यामुळे युद्धाच्या त्या वातावरणात दुःख सहन करून वाढलेल्या चार्ल्सच्या मनावर आणि हृदयावर त्याचा तीव्र परिणाम झाला. 

शोभराजच्या आईने व्हिएतनाममध्ये तैनात असलेल्या फ्रेंच सैनिकाशी लग्न केले आणि ते पॅरिसला गेले. फ्रेंच सैनिकाने चार्ल्सला दत्तक घेऊन त्याला फ्रेंच नागरिकत्व दिले. 

गुन्हेगारीच्या मानसशास्त्रावर काम करणाऱ्या तज्ज्ञांचे असे म्हणणे आहे की चार्ल्स शोभराज आपल्या भारतीय वडिलांचा इतका तिरस्कार करतात की केवळ त्यांच्या बदनामीसाठी ते गुन्हेगारीच्या जगात खोलवर गेले. आणि त्याच्या द्वेषाचा परिणाम होता की त्याने आपल्या तावडीत अडकलेल्या बहुतेक सुंदर मुलींना ठार करुन टाकलं.

चार्ल्स शोभराज याला भारतासह दक्षिण आशियाई देशांमध्ये बिकिनी किलर म्हणूनही ओळखले जाते. ज्याने 1970 च्या दशकात दक्षिण पूर्व आशियातील जवळपास प्रत्येक देशात जाऊन परदेशी पर्यटकांची शिकार करून त्यांची हत्या केली. मृतांमध्ये बहुतांश युरोप आणि अमेरिका तसेच भारत, नेपाळ आणि थायलंडमधील मुली होत्या. पण या दुष्ट बिकिनी किलरने प्रत्यक्षात किती लोकांची हत्या केली याचे रहस्य अजूनही उलगडले नाही.