China Renames Arunachal Pradesh Areas : चीनची खुमखुमी कायम! 'अरुणाचल'वर दावा करत नावं बदलेल्या ३० ठिकाणांची चौथी यादी केली जाहीर

नवी दिल्ली : भारत-चीन सीमासंघर्ष हा दिवसेंदिवस तीव्र होत चालला आहे. चीननं आधिपासूनच भारताच्या अरुणाचल प्रदेश या राज्यावर आपला दावा सांगितला आहे. आता तर त्यांनी या भागातील ३० भागांची नाव बदलल्याची यादीच जाहीर केली आहे. चीननं या भागातील भारतीय नाव बदलून चीनी नावं ठेवल्याचं सांगितलं जात आहे. (China renames Arunachal Pradesh areas a list of 30 places have been released)

चीननं प्रदेशांची नाव बदलल्याची ही चौथी यादी जाहीर केली आहे. पण भारत सरकारनं चीनची प्रत्येक यादी नाकारली आहे. तसेच अरुणाचल प्रदेशाची प्रत्येक इंच न् इंच जमीन भारताचा अभिन्न भाग असल्याचं म्हटलं आहे. (Latest Marathi News)

चीनच्या चिनी नागरिक प्रकरणांच्या मंत्रालयानं ही चौथी यादी जाहीर केली आहे. चीनच्या सरकारी ग्लोबल टाइम्स या वृत्तपत्रातील वृत्तानुसार, दक्षिण तिबेटचा भाग असल्याचं सांगत चीननं या भागाचं नामकरण केलं आहे. (Marathi Tajya Batmya)

अरुणाचल प्रदेशात सातत्यानं चीनच्या हालचाली

चीनकडून या भागातील नाव बदलणारी पहिली यादी सन २०१७ मध्ये आणली होती. त्यानंतर २०२१ मध्ये १५ जागांच्या नामकरणाची यादी जाहीर केली होती. त्यानंतर २०२३ मध्ये ११ जागांची यादी तर आता २०२४ मध्ये ३० जागांची नाव बदलल्याची यादी जाहीर केली आहे.