नवी दिल्ली - कोरोनाच्या लशीची भारताला प्रतीक्षा असताना चीनच्या लशीला मुंबईच्या रझा अकादमीच्या सुन्नी मुस्लिम विद्वानांनी विरोध दर्शविला आहे. चीनी लशीत डुकराचे मांस असल्याने ती मुस्लिमांसाठी निषिद्ध असल्याचे त्यांनी जाहीर केले.
कोरोनावर चीनमध्ये तयार होत असलेल्या लशीत डुकराचे मांस असल्याचे वृत्त आल्यानंतर रझा अकादमीने ही लस वापरण्यास विरोध केला आहे. अकादमीचे सरचिटणीस सईद नूरी यांनी प्रसिद्ध केलेल्या व्हिडिओ संदेशात डुकराच्या मासांचे अंश असलेली चिनी लशीच्या खरेदीसाठी नोंदणी करू नये, असे आवाहन भारत सरकारला केले आहे. ज्या लशींची मागणी नोंदविली आहे, त्यातील घटकांची यादी सरकारने आम्हाला दाखवावी. म्हणजे त्याच्या वापराबद्दल घोषणा करता येईल.
- पुण्याच्या बातम्या वाचण्यासाठी येथे ► क्लिक करा
दरम्यान, अमेरिकेत तयार होत असलेल्या कोरोनावरील लशीत गाईच्या रक्ताचा समावेश असल्याने ती भारतात वापरू नये, असे आवाहन अखिल भारत हिंदू महासभेचे अध्यक्ष स्वामी चक्रपाणी यांनीही केले आहे. हिंदू धर्म नष्ट करण्याचा हा आंतरराष्ट्रीय कट असल्याचा आरोप करीत ते म्हणाले की, गाईचे शेण व गोमूत्रापासून तयार केलेले औषध व लशीचा वापर हिंदू करू शकतात. आंतरराष्ट्रीय कंपन्यांनी लस विकासाची प्रक्रिया जाहीर करावी, म्हणजे लोकांचा धर्म बुडणार नाही.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
