CJP Leaders Notice : सौरव दास,आशुतोष रांका यांच्या अडचणी वाढल्या ! तिहारमधून सुटताच क्राईम ब्रँचची नोटीस; चौकशीसाठी हजर राहण्याचे आदेश

CJP News: तिहार जेलमधून सुटका झाल्यानंतरही ‘कॉकरोच जनता पार्टी’ (CJP) चे नेते सौरव दास आणि आशुतोष रंका यांच्या अडचणी कायम आहेत. दिल्ली पोलिसांच्या क्राईम ब्रँचकडून या दोघांना चौकशीसाठी नोटीस बजावण्यात आली आहे. गुरुवारी (२२ ऑक्टोबर) दुपारी १२ वाजता चौकशीसाठी उपस्थित राहण्याचे निर्देश त्यांना देण्यात आले आहेत. दरम्यान, जंतरमंतर येथील घटनेच्या संदर्भात क्राईम ब्रँचकडून अजिंक्य शिंदे यांच्याशीही संपर्क साधण्याचा प्रयत्न सुरू आहे.