लखनौ - उत्तर प्रदेशच्या योगी आदित्यनाथ सरकारने आज रिपोर्ट कार्ड सादर केले. मुख्यमंत्री योगी आदित्यनाथ सरकारने आपल्या चार वर्षाच्या सरकारच्या कामगिरीचा आढावा घेतला. चार वर्षाच्या काळात राज्यात एकही दंगल झाली नसल्याचे सांगत देशाचा राज्याकडे पाहण्याचा दृष्टिकोन बदलला असल्याचे योगी आदित्यनाथ म्हणाले. नव्या उत्तर प्रदेशच्या नव्या प्रवासाला एकत्र जावू, असे आवाहन आदित्यनाथ यांनी यावेळी केले.योगी म्हणाले, चार वर्षात उत्तर प्रदेश हे देशाच्या विकासाचे इंजिन म्हणून समोर आले आहे. जीएसडीपीच्या क्षेत्रात देशातील सर्वात मोठी अर्थव्यवस्था म्हणून विकसित करण्याचे आमच्या सरकारचे ध्येय राहिले आहे. 2017 रोजी सत्तेत आल्यानंतर राज्यातील अनेक गावात शाळा, रस्ते आणि विकासाचे नामोनिशाण नव्हते. एवढेच नाही तर काही आदिवासी क्षेत्रात तर मतदानाचा अधिकारही नव्हता. परंतु भाजपचे सरकार आल्यानंतर ते अधिकारापासून वंचित राहणार नाही, याची खबरदारी घेतली गेली.
चकमकीबाबत विरोधकांकडून प्रश्न उपस्थित केले जात असताना त्यावर योगी म्हणाले, की गुन्हेगाराचा कोणताही धर्म नसतो. योगी आदित्यनाथ म्हणाले, की गुन्हेगारांच्या मुसक्या आवळल्या जात आहेत. कायद्याची कडक अंमलबजावणी होत असल्याने राज्यात दरोडा, बलात्कार आणि भ्रष्टाचाराच्या प्रकरणात घट झाली आहे. उत्तर प्रदेश ‘बिमारु राज्या’तून बाहेर पडले आहे. इज ऑफ डुइंग च्या यादीत यूपी दुसऱ्या स्थानावर आहे. सुरवातीला यूपीत केंद्राच्या योजनेला स्थान दिले जात नव्हते. केंद्राच्या योजना लागू केल्या असत्या तर यूपीत मोठा बदल झाला असता. पंतप्रधान घरकुल योजनेत यूपी पहिल्या क्रमांकावर असल्याचे ते म्हणाले.
चार वर्षातील कामगिरी
ऊस उत्पादकांना चार वर्षांत 1.27 लाख कोटी रुपये वाटप
पोलिस ठाण्याच्या रचनेत पायाभूत बदल.
59 पोलिस ठाणे, 4 महिला पोलिस ठाणे, 16 सायबर क्राइम स्थानकांची स्थापना
18 क्षेत्रात फॉरेन्सिक प्रयोगशाळेची स्थापना
गुन्ह्यात घट (टक्क्यांत)
दरोडा - 66
बलात्कार - ४५
हत्या/खून - १९
उत्तर प्रदेश सरकारने विविध माध्यमांतून सादर केलेल्या चार वर्षाची कामगिरीतील सत्यता खूपच कमी आहे. योगी सरकारने केलेले दावे हे प्रत्यक्षात गरीब जनतेला
मिळाले असते तर अधिक उपयुक्त ठरले असते.
मायावती, बसप नेत्या
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.