UP मध्ये शिवसेनेचा उमेदवाराचा फॉर्म रद्द; संजय राऊत भडकले

Uttar pradesh Elections 2022: उत्तरप्रदेशातील शिवसेना (Shivsena) उमेदवाराचा उमेदवारी अर्ज उशिरा आला असल्याचं सांगत तो रद्द करण्यात येणार असल्याचं जिल्हाधिकाऱ्यांनी म्हटले आहे. जिल्हाधिकाऱ्यांच्या या भुमिकेवर शिवसेना नेते आणि खासदार संजय राऊत (Sanjay Raut) चांगलेच भडकले.

"उत्तरप्रदेशात (Uttar Pradesh) काय चाललंय? उत्तरप्रदेशातील शिवसेना उमेदवाराने आपला उमेदवारी अर्ज निर्धारित वेळेत दुपारी 2:30 वाजता सादर केला. त्याला निवडणूक अधिकाऱ्यांनीही मान्यता दिली होती. परंतु आता उमेदवारी अर्ज उशिरा आला असून तो रद्द केला जाईल, असं जिल्हाधिकारी उमेदवाराला सांगत असल्याचं संजय राऊत यांनी सांगितलं. अशा प्रकारची भाजपची खुशामत खपवून घेतली जाणार नाही असं संजय राऊत म्हटले आहे.