कर्मचाऱयाच्या मृतदेहासाठी कंपनीने खर्च केले 50 लाख!

वृत्तसंस्था
Thursday, 27 August 2020

कर्मचाऱयाचा मृत्यू झाल्यानंतर मृतदेह घरी पाठविण्यासाठी कंपनीने थेट विमान बूक करून मृतदेह घरी पाठवला. मृतदेह घरी पाठविण्यासाठी कंपनीने तब्बल 50 लाख रुपये खर्च केले आहे. लॉकडाऊनच्या काळात विसुविअस इंडिया लिमिटेड या कंपनीने जगभरात आदर्श उदाहरण ठेवले आहे.

इंदूर (मध्य प्रदेश): कर्मचाऱयाचा मृत्यू झाल्यानंतर मृतदेह घरी पाठविण्यासाठी कंपनीने थेट विमान बूक करून मृतदेह घरी पाठवला. मृतदेह घरी पाठविण्यासाठी कंपनीने तब्बल 50 लाख रुपये खर्च केले आहे. लॉकडाऊनच्या काळात विसुविअस इंडिया लिमिटेड या कंपनीने जगभरात आदर्श उदाहरण ठेवले आहे.

शस्त्रक्रियेदरम्यान पोटातच राहिला टॉवेल अन्...

विसुविअस इंडिया लिमिटेड ही कंपनी कोलकता असून, रितेश डुंगरवाल हे कंपनीत मॅनेजिंग डायरेक्टर होते. डुंगरवाल यांचे मुळ गाव इंदूर आहे. डुंगरवाल यांचा हृदयविकाराने मृत्यू झाल्यानंतर त्यांचा मृतदेह घरी पाठविण्यासाठी कंपनीने 180 सीटर विमान बुक केले होते. मृतदेह विमानातून घरी पाठविण्यात आला. डुंगरवाल यांच्या कुटुंबीयांनी सांगितले की, 'कोलकत्याहून विमानाची सोय झाली नाही. यामुळे कंपनीने थेट विमानच बुक केले. आम्ही कधी विचारही केला नव्हता, की कंपनी एवढे मोठे पाऊल उचलेल. कंपनीने यासाठी तब्बल 50 ते 60 लाखांचा खर्च करत मृतदेह घरी सोपवला. कंपनीचे दोन अधिकारी सुद्धा तीन दिवस इंदूरमध्ये राहिले. मृत्यूनंतरचे सर्व विधी संपल्यानंतरच ते परतले.'

अंत्यसंस्कार करण्यापूर्वी युवतीने केली डोळ्यांची उघडझाप...

रितेश यांचे नातेवाईक बादल चौरडिया यांनी प्रसारमाध्यमांशी बोलताना सांगितले की, 'रितेश यांचा 19 ऑगस्ट रोजी ह्रदयविकाराच्या झटक्याने मृत्यू झाला. त्यांचा मृतदेह कोलकता येथून इंदूरला आणण्यासाठी प्रयत्न सुरू होते. पण, कोरोनामुळे मृतदेह घरी आणणे कठीण झाले होते. यावेळी कंपनीने तात्काळ 30 कर्मचारी घरी पाठवले. कुटुंबियांकडून माहिती घेतल्यानंतर मृतदेह इंदूरला पाठवण्यासाठी प्लेनची व्यवस्था केली. कंपनीला मृतदेह घरी पोहोचविण्यासाठी 50 ते 60 लाखांचा खर्च आला असेल, कारण रुटीनमध्ये तब्बल 5000 रुपये एका व्यक्तीचे तिकीट असते. त्याशिवाय तीन विविध लोकेशनहून मॉनिटर करीत इंदूरला प्लेन पाठविण्यात आले. त्याशिवाय विमान परत रिकामे परतलं. त्यामुळे कंपनीने खूप मोठा खर्च केला आहे. लॉकडाऊनच्या काळात कंपनीने एक आदर्श निर्माण केला आहे.'


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: company spent rs 50 lakh to transport the body of the employee home book a plane at kolkata