Congress Convention : भाजप अहंकाराच्या शिखरावर; खर्गेंचा अमित शाहांवर निशाणा

नवी दिल्लीः छत्तीसगडच्या रायपूर येथे काँग्रेसचे राष्ट्रीय अधिवेशन सुरु आहे. या अधिवेशनाचा आज दुसरा दिवस असून काँग्रेसचे दिग्गज नेते रायपूरमध्ये आहेत.

काँग्रेस अध्यक्ष मल्लिकार्जून खर्गे यांनी माध्यमांशी बोलतांना भाजपवर निशाणा साधला आहे. २०२४मध्ये आम्हांला प्रतिस्पर्धी नाही, असं विधान केंद्रीय गृहमंत्री अमित शाह यांनी केलं होतं. त्याला खर्गेंनी जशास तसं उत्तर दिलं आहे.

अधिवेशनामध्ये काँग्रेसच्या घटनेत पाच मोठ्या दुरुस्त्या करण्यात आलेल्या आहेत. या पाच दुरुस्त्यांमध्ये आरक्षण, सदस्यत्व, एआयसीसी मेंबर, सीडब्ल्यूसी आणि संघटनेशी संबंधीत नियम बदलले आहेत. या माध्यमातून काँग्रेसने मोठी राजकीय खेळी केल्याचं बोललं जात आहे.

अमित शाहांच्या २०२४च्या विधानावर मल्लिकार्जून खर्गे म्हणाले की, भाजपच्या या आव्हानाचं आम्ही स्वागत करतो. लोकविरोधी असलेल्या भाजपपासून सुटका मिळवण्यासाठी समविचार पक्षांसोबत आघाडी करण्यासाठी आम्ही तयार असल्याचं ते म्हणाले.

 CWCची निवडणूक होणार नाही

आता CWC अर्थात काँग्रेस वर्किंग कमिटीमध्ये २३+2 सदस्यांऐवजी ३५ सदस्य असतील. यामध्ये ५० टक्के पदं ही एसटी, एससी, ओबीसी, युवक, महिला यांच्यासाठी आरक्षित ठेवण्यात येतील. पंतप्रधान, माजी पंतप्रधान, काँग्रेस अध्यक्ष, माजी अध्यक्ष, लोकसभा आणि राज्यसभा सदस्य सीडब्ल्यूसीचे मेंबर असतील