मोदींवर टीका करणाऱ्या काँग्रेस खासदाराचे निलंबन मागे; लवकरचं लोकसभा सदस्यत्व होणार बहाल

Adhir Ranjan Chaudhary:लोकसभेत काही दिवसांपुर्वी भाजप आणि नरेंद्र मोदी सरकारवर विरोधकांकडून अविश्वास प्रस्ताव आणला गेला होता. त्यावेळी लोकसभेच्या विशेषाधिकार समितीने काँग्रेस खासदार अधीर रंजन चौधरी यांचे निलंबन केले होते.

आता लोकसभेच्या या समितीने बुधवारी (दि. ३० ऑगस्ट) काँग्रेस खासदार अधीर रंजन चौधरी यांनी आपली बाजू मांडल्यावर त्यांच निलंबन रद्द करण्याची शिफारस मंजूर केली आहे. अविश्वास प्रस्तावाचे समर्थन करताना चुकीच्या वर्तानाचा अरोप त्यांच्यावर ठेवण्यात आला होता. त्यानंतर अधीर रंजन चौधरी यांनी विशेषाधिकार समितीकडे धाव घेतली होती.

लोकसभेच्या अधिकाऱ्यांनी माध्यमांना सांगितले होते की काँग्रेस पक्षाचे लोकसभेचे खासदार अधीर रंजन चौधरी बुधवारी विशेषाधिकार समितीसमोर हजर होणार आहेत, पुढच्या काही दिवसात त्यांना खासदारकी बहाल केली जाईल.

लोकसभेचे अधिकारी म्हणाले की पॅनलने चौधरी यांचं निलंबन रद्द करुन त्यांना खासदारकी पुन्हा बहाल करावी यासाठी ओम बिरला यांच्याकडे शिफारस करण्याचा निर्णय घेतला होता. चौधरी यांना कथितरित्या जाणूनबुजून शिष्टाचाराचं उल्लंघन केल्या प्रकरणी १० ऑगस्टला त्यांना लोकसभेतून निलंबित करण्यात आले होते.(Latest Marathi news)

निलंबनाच्या कारवाईनंतर अधीर रंजन चौधरी म्हणाले की सभागृहातून निलंबित करणे गरजेचे नव्हते आणि कोणाच्याही भावना दुखावण्याचा त्यांचा हेतू नव्हता. चौधरी म्हणाले की त्यांनी केलेली विधानं जर चुकीची होती, तर ती हटवताही आली असती.(Latest Marathi news)

संसदेच्या एका वरिष्ठ अधिकाऱ्याने नाव न सांगण्याच्या अटीवर सांगितले की, "हाऊस पॅनेल लवकरात लवकर अहवाल सादर करण्याचा प्रयत्न करेल." पॅनेलची 30 ऑगस्ट रोजी पुन्हा बैठक होईल आणि या विषयावरील ही शेवटची बैठक असू शकते."