'एक दिवस मूर्ख बनवण्यासाठी 'एप्रिल फूल', आणि 5 वर्षं बनवण्यासाठी 'कमळाचं फूल''

नवी दिल्ली: काँग्रेस नेते आणि पंजाब सरकारमधील मंत्री नवज्योत सिंग यांनी ट्विटवरून भारतीय जनता पक्षावर जोरदार टीका केली आहे. सिद्धू यांच्या ट्विटनंतर भाजपनेही त्यांना ट्रोल केले आहे.

नवज्योत सिंग सिद्धू यांनी ट्विटरवर म्हटले आहे की, 'कोणताही घोटाळेबाज तुरुंगात गेला नाही. कोणाकडेही काळा पैसा सापडला नाही. गंगा स्वच्छ झाली नाही. सीमेवर हुतात्मा झालेल्यांची संख्या कमी झालेली नाही. मोदी सरकार हे फक्त मोबाइलला आधार कार्ड लिंक करण्यासाठी बनवण्यात आले आहे काय? एक दिवस मूर्ख बनवण्यासाठी एप्रिल फूल, तर पाच वर्षं मूर्ख बनवण्यासाठी कमळाचं फूल!'

उत्तर प्रदेशमधील संत कबीरनगरमध्ये भाजप खासदार-आमदारांमध्ये झालेल्या मारहाणीचा दाखला देताना सिद्धू यांनी पंतप्रधान नरेंद्र मोदींवर टीका केली आहे. ट्विटरवर व्हिडीओ प्रसिद्ध केला असून, त्यामध्ये त्यांनी म्हटले आहे की, 'मोदीजींची विनम्रता आणि विवेकाची परिभाषा, हीच आहे का देशाची आशा?, लोकतंत्राच्या पहिलेच ट्रोलतंत्र, लाठीतंत्र, भयतंत्र पाहिले होते. आता खासदार महोदयांनी बूटतंत्रही आणले आहे. बड़े मियां तो बड़े मियां छोटे मियां सुभान-अल्लाह!'