काँग्रेसला मोठा धक्का, केरळमधील ज्येष्ठ नेत्यानं दिला राजीनामा

केरळ विधानसभा निवडणुकीपूर्वी काँग्रेस पक्षाला मोठा धक्का बसला आहे. केरळमधील काँग्रेसचे ज्येष्ठ नेते आणि गांधी कुटुंबाचे विश्वासू असलेले पीसी चाको यांनी राजीनामा दिला आहे. पीसी चाको आज, बुधवारी काँग्रेस अध्यक्ष सोनिया गांधी यांना आपला राजीनामा सपुर्द केला आहे. पीसी चाको यांनी एएनआयला बोलताना ही माहिती दिली. पीसी चाको पक्षाच्या नेतृत्वावर नाराज होते. 

पीसी चाको यांनी सोनिया गांधी यांना पाठवलेल्या राजीनाम्यात केरळमधील काँग्रेसच्या पक्षात सुरु असलेल्या गटबाजीमुळे पक्ष सोडत असल्याचं सांगितलं आहे.

पीसी चाको जवळपास पाच दशकांपासून कांग्रेस पक्षासोबत होते. यादरम्यान त्यांनी मोठमोठी पदं भूषवली आहेत. मात्र, गेल्या काही दिवसांपासून ते केरळमधील काँग्रेस पक्षाच्या नेतृत्वावर नाराज होते. राजीनामा दिल्यानंतर चाको म्हणाले की, 'गेल्या काही दिवसांपासून मी राजीनामा देण्याचा विचार करत होतो. केरळमध्ये काँग्रेस एक पक्ष असल्यासारखं वाटत नाही. इथं दोन पक्ष आहेत. एक म्हणजे काँग्रेस (आई) आणि काँग्रेस (ए). येथे दोन पक्षांची कोऑर्डिनेशन कमिटी आहे. जी KPCC च्या रुपात काम करत आहे.'