मंत्र्यांवर नाराज आमदारांनी घेतली सोनिया गांधींची भेट; केली 'ही' महत्वाची मागणी

नवी दिल्ली : राज्यातील नाराज आमदारांनी आज काँग्रेस अध्यक्ष सोनिया गांधी यांची भेट घेतली. या भेटीत आमदारांनी राज्यातील काही मंत्र्यांविरोधात थेट हायकमांड तक्रार केली. आपल्या तक्रारी ऐकूण घेतल्यानंतर ही भेट समाधानकारक झाली असल्याचं या आमदारांनी माध्यमांशी प्रतिक्रिया देताना म्हटलं आहे. (Congress MLA meet Sonia Gandhi make an important demand)

काँग्रेस अध्यक्षांकडे तक्रार करताना आमदार म्हणाले, बजेटमध्ये मंत्र्यांच्या मतदारसंघातच जास्त निधी दिला जातो. काँग्रेसच्या वाटेला येणाऱ्या निधीपैकी ७० टक्के निधी या मंत्र्यांनी स्वतः मतदारसंघासाठी घेतला. इतर आमदारांच्या वाटेल फक्त तीस टक्के निधी आला. त्यामुळं राज्याच्या मंत्रिमंडळात बदल केले पाहिजेत. पक्षाचे मंत्री आमदारांची काम करत नसल्यानं मंत्रिमंडळात बदल अपेक्षित आहे.

दरम्यान, सोनिया गांधी यांनी या सर्वा नाराज आमदारांच्या तक्रारी ऐकून घेतल्यानंतर त्यांना लिखित स्वरूपात तक्रारी देण्याच्या सूचना केल्या. ज्यांना काही सांगायचं आहे त्यांनी ते लिखित स्वरुपात द्यावं असं सोनिया गांधी यांनी आमदारांना सांगितलं, अशी माहिती या भेटीला उपस्थित असलेल्या काही आमदारांनी दिली.ाँग्रेस आमदारांनी घेतली सोनिया गांधींची भेट; केली 'ही' महत्वाची मागणी