Congress : आयकर लवादाच्या आदेशाविरोधात काॅंग्रेसची दिल्ली उच्च न्यायालयात धाव

नवी दिल्ली : प्राप्तिकर परताव्यामधील अनियमिततेप्रकरणी ठोठावण्यात आलेल्या दंडाला आक्षेप घेत कॉंग्रेस पक्षाने दाखल केलेली याचिका प्राप्तिकर अपिलीय लवादाने फेटाळल्याच्या पार्श्वभूमीवर काँग्रेसने दिल्ली उच्च न्यायालयात दाद मागितली आहे. ॲड. विवेक तन्खा यांनी ही याचिका दाखल केली.

काँग्रेसची बँक खाती गोठविली गेली असल्याने याचिकेवर तत्काळ सुनावणी घेतली जावी, अशी विनंती तन्खा यांनी न्यायालयासमोर केली. कॉंग्रेसला ठोठावण्यात आलेल्या दंडासंदर्भातील याचिका गेल्या आठवड्यात प्राप्तिकर अपिलीय लवादाने फेटाळून लावली होती.

लोकसभेच्या सार्वत्रिक निवडणुकीच्या तोंडावर बॅंक खाती गोठविण्याचा लवादाचा निर्णय म्हणजे लोकशाहीवरचा हल्ला असल्याची प्रतिक्रिया त्यावेळी काँग्रेसने दिली होती.