Rahul Gandhi: राजघाटावर राहुल गांधी यांचा आज सत्याग्रह; प्रियांका गांधींनी घेतली मोठी जबाबदारी

दिल्लीतील राजघाटावर संकल्प सत्याग्रह
Congress Satyagrah In Rajghat Support Rahul Gandhi Priyanka Gandhi
Congress Satyagrah In Rajghat Support Rahul Gandhi Priyanka Gandhi

लोकसभेचे सदस्यत्व रद्द होण्याच्या मुद्द्यावर काँग्रेस आज दिल्लीतील राजघाटावर संकल्प सत्याग्रह करणार आहे. सकाळी १० ते सायंकाळी ५ वाजेपर्यंत हा सत्याग्रह चालणार आहे. काँग्रेस पक्षाचे अध्यक्ष मल्लिकार्जुन खर्गे आणि प्रियांका गांधी यांनी आंदोलनाचे नेतृत्व करणार आहेत.

शनिवारी राहुल यांनी पंतप्रधान नरेंद्र मोदी व गौतम अदानी यांच्यावर निशाणा साधला. राष्ट्रपिता महात्मा गांधी यांच्या समाधीजवळ रविवारी काँग्रेस दिवसभर संकल्प सत्याग्रह करणार आहे. केरळमधील वायनाडमध्ये पक्षाने शनिवार हा काळा दिवस म्हणून पाळला. अनेक शहरांमध्ये विविध ठिकाणी निदर्शने करण्यात आली.

मला आयुष्यभरासाठी अपात्र करा, तुरुंगात टाका, तरी मी घाबरणार नाही, असं वक्तव्य राहुल गांधी यांनी काल केलं आहे. माझ्या पुढच्या भाषणाची भीती वाटली म्हणून मोदींनी मला अपात्र केलं. ती भीती मी त्यांच्या डोळ्यात पाहिली, असंही राहुल गांधी म्हणाले.

काँग्रेसचे माजी अध्यक्ष आणि खासदार राहुल गांधी यांचं लोकसभा सदस्यत्व रद्द केल्याच्या विरोधात काँग्रेसनं देशभरात 'जनआंदोलन' सुरू करण्याचा निर्णय घेतला आहे. 'हाथ से हाथ जोडो' या मोहिमेसोबतच राहुल गांधींच्या अपात्रतेबाबत जनजागृती कार्यक्रम, राज्यघटना वाचवण्याचा कार्यक्रम राबवण्यात येणार आहे. हे आंदोलन सोमवारपासून (27 मार्च) सुरू होणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com