नवी दिल्ली: मागील 24 तासांत देशात कोरोनाचे 35 हजार 551 रुग्ण आढळले असून 526 जणांचा मृत्यू झाला आहे. देशातील बाधितांचा आकडा 95 लाख 34 हजार 965 वर गेला आहे. भारतातील कोरोनाचा मृत्यूदर इतर देशांच्या तुलनेत कमी आहे. आतापर्यंत देशात 1 लाख 38 हजार 648 कोरोना (COVID19) रुग्णांचा मृत्यू झाला आहे.
सध्या देशात 4 लाख 22 हजार 943 कोरोना रुग्ण उपचार घेत आहेत. दिलासादायक बाब म्हणजे आतापर्यंत 89 लाख 73 हजार 373 जण कोरोनामुक्त झाले आहेत. तसेच मागील 24 तासांत कोरोनावर मात केलेल्या 40 हजार 726 जणांना डिस्चार्ज दिला आहे. देशातील रिकव्हरी रेट 93 टक्क्यांच्या पुढे गेला आहे.
महाराष्ट्रात 24 तासांत 5600 रुग्ण-
राज्यांचा विचार केला तर महाराष्ट्रात मागील 24 तासांत कोरोनाचे 5 हजार 600 रुग्णांचं निदान झालं असून 111 रुग्णांचा मृत्यू झाला असल्याची माहिती राज्य आरोग्य विभागाने दिली आहे. आतापर्यंत राज्यात तब्बल 18 लाख 32 हजार 176 जणांना कोरोनाची बाधा झाली आहे. दिलासादायक बाब म्हणजे 16 लाख 95 हजार 208 जण कोरोनामुक्त झाले आहेत.
14 कोटी कोरोना चाचण्या-
बुधवारी देशात कोरोनाच्या 11 लाख 11 हजार 698 चाचण्या झाल्या पार पडल्या आहेत. देशात मागील काही 12 दिवसांत 3 वेळेचा अपवाद सोडता प्रतिदिन 10 लाखांपेक्षा जास्तवेळा कोरोना चाचण्या झाल्या आहेत. तर आतापर्यंत देशात कोरोनाच्या 14 कोटी 35 लाख 57 हजार 647 चाचण्या पार पडल्याची माहिती आयसीएमआरने (Indian Council of Medical Research) दिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.