कोरोनामुळे नोकरी गेली अन् मोबाईल चोरी सुरू केली; पोलिसांकडून अटक | Sakal
sakal

बोलून बातमी शोधा

Crime

कोरोनामुळे नोकरी गेली अन् मोबाईल चोरी सुरू केली; पोलिसांकडून अटक

नवी दिल्ली : कोरोनाच्या काळात अनेकांच्या नोकरीवर गदा आणली आहे. त्यानंतर अनेक जणांचे संसार आणि जनजीवन सुरळीत व्हायला वेळ लागला आहे. दिल्लीतील अशाच एका व्यक्तीने कोरोना काळात नोकरी गेल्यामुळे मोबाईल चोरीचा व्यवसाय सुरू केला होता. हे प्रकरण उघडकीस आल्यावर पोलिसांनी या व्यक्तीला अटक केली आहे. सदर व्यक्ती दिल्लीतील नानग्लोई भागात राहणारा असल्याचं पोलिसांनी सांगितलं आहे.

(Crime News Updates)

अटक करण्यात आलेल्या व्यक्तीचं नाव अस्लम असं असून त्याच्याकडून तीन मोबाईल आणि एक स्कूटर जप्त करण्यात आली आहे. "3 जूनला एका व्यक्तीचा फोन चोरीला गेल्याची तक्रार आमच्याकडे आली होती. आम्ही घटनास्थळी पोहोचलो तेव्हा तक्रार करणाऱ्या महिलेने सागितलं की, मी किराणा दुकानातून सामान घेऊन येत असताना एकाने माझा मोबाईल हिसकावून घेतला आणि नानग्लोईच्या दिशेने निघून गेला." असं तक्रार करणाऱ्या महिलेने सांगितल्याचं पोलिसांनी सांगितलं आहे.

हेही वाचा: संजय राऊत कोण, मला माहित नाही; राऊतांचं नाव घेताच उदयनराजे का संतापले?

पोलिसांनी सीसीटीव्ही कॅमेराच्या आधाराने तपास केल्यावर ३७ वर्षाच्या अस्लमला अटक केली आहे. त्यानंतर त्याच्याकडे सापडलेला मोबाईल हा सदर महिलेचा असलेला पोलिसांना आढळला आहे. त्यानंतर पोलिसांनी त्याची चौकशी करत असताना त्याने कोरोना काळात त्याची नोकरी गमावल्याचं सांगितलं आहे. नोकरी गमावल्याने तो व्यसनाच्या आहारी गेला आहे. त्याचबरोबर पैशांची चणचण भासू लागल्याने त्याने मोबाईल चोरी सुरू केल्याचं सांगितलं आहे. दरम्यान पोलिसांनी त्याला अटक करून गुन्हा दाखल केला आहे.

Web Title: Corona Job Loss Man Start Mobile Snatching Delhi

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :crimemobiledelhi
go to top